Worldboxingnews.net portalynyń málimetinshe, jaqyn kúnderi Golovkınniń DAZN strımıngtik qyzmetimen kelisimshart jasasqany jarııa etiledi. Basylym boljamynsha, bul Golden Boy Promotions basshysy Oskar De La Hoııanyń GGG men Saýl Alvares (51-1-2, 35 KO) arasyndaǵy jekpe-jekke qatysty aıtqanyn rastap tur.
«Kúmán joq, bul jekpe-jekti tamashalaıtyn bolamyz. «Kanelo» myqtylarmen judyryqtasqysy keledi. Úshinshi rette «Kanelo» ony nokaýtqa túsiretinine senimdimin», – degen edi De La Hoııa.
«De La Hoııanyń jýyrdaǵy Golovkın – «Kanelo» trılogııasy jaıly málimdemesi bir nárseni ǵana bildiredi. Jaqyn kúnderi GGG DAZN-men sońǵy iri kelisimshart jasaýshy retinde tanystyrylady. HBO bokstan ketkennen keıin Golovkın barlyq negizgi telekompanııalarmen kelissózder júrgizdi. DAZN qazir kósh basynda, al Showtime jalǵyz balama. Jaqyn arada qulaǵdandyrý jasalatyn shyǵar, óıtkeni Golovkınniń rıngke oralýyna az ýaqyt qaldy», – dep jazady basylym.
