Aqtaý qalasyndaǵy ortalyq memlekettik organdarynyń aýmaqtyq bólimsheleri, atap aıtqanda oblystyq memlekettik kirister, ádilet, polısııa, qoǵamdyq densaýlyq saqtaý, eńbek, áleýmettik qorǵaý jáne kóshi-qon, ónerikásptik qaýipsizdigi komıtetiniń óńirlik departamentteriniń mamandary turǵyndarmen tildesti.
Sonymen qatar, HQKO, kóliktik baqylaý ınspeksııasy, oblystyq orman sharýashylyǵy jáne janýarlar dúnıesi aýmaqtyq ınspeksııasy, Aqtaý qalalyq № 1 jáne 2 emhanalary, oblystyq psıhonevrologııalyq, narkologııalyq, týberkýlezge qarsy kúres dıspanserleri, Aqtaý jáne Baýtıno porttarynyń mamandary halyqqa memlekettik qyzmet kórsetý boıynsha konsýltasııalyq-ádistemelik kómek kórsetti.
Barlyǵy 50-den astam mamandar jumys atqaryp, kelýshilerge keńes berildi jáne elektrondyq memlekettik qyzmetterdi nasıhattaý boıynsha 1000-nan astam broshıýralar taratylyp, elektrondyq qyzmet alý men mobıldik qosymshalar týraly arnaıy daıyndalǵan beınerolıkter kórsetildi.
Agenttiktiń aýmaqtyq departamentiniń basshysy turǵyndardy mazalaǵan suraqtary boıynsha jeke suraqtarmen qabyldaý kestesine sáıkes qabyldaýǵa daıyn ekendigin jetkizdi. Bıyl birinshi ret ótip jatqan jármeńkege turǵyndar belsendi qatysqandyǵyn aıta ketý kerek. Halyqtyń qoljetimdi qyzmetter alý úshin tutynýshylarǵa yńǵaıly oryndarda, ásirese halyq kóp shoǵyrlanatyn jerlerde turaqty túrde jıi uıymdastyrylady dep sendirdi.
Jármeńkege kelýshilerdiń basym kópshiligi áleýmettik kómek alýdyń tártibi men sharty, turǵyn úı qujattaryn rásimdeý, ota jasatý úshin kvota alý, balany balabaqshaǵa kezekte turǵyzý sııaqty elektrondy qyzmetterdiń ózge de túrleri boıynsha suraqtaryn qoıdy.
-Elbasynyń 2018 jyly 5 qazanda «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna joldaýynda sybaılas jemqorlyqpen belsendi kúres jalǵasatynyn jáne kórsetiletin memlekettik qyzmetter aıasynda memlekettik qyzmetshilerdiń turǵyndarmen tikeleı qarym-qatynasyn azaıtýǵa qol jetkizgen jón ekendigin aıtty. Bul rette, 2019 jyly kórsetiletin memlekettik qyzmetterdiń 80 paıyzy, al 2020 jyly keminde 90 paıyzy elektrondy formatqa kóshirilýge tıis degen bolatyn. Máselen, ótken jyly Mańǵystaý oblysynda ótken jyly elektrondyq túrde kórsetilgen memlekettik qyzmetterdiń paıyzdyq úlesi 79,4% qurady. Iаǵnı, bıyl bul kórsetkish 90% asady degen senimdemiz, dedi QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń basshysy Nurgúl Jannazarova.
Jármeńke barysynda azamattarǵa memlekettik qyzmetterdi kórsetýdiń suranysqa ıe salalary boıynsha qajetti konsýltatıvtik-ádistemelik kómek kórsetildi.
Turǵyndardyń sıfrlyq saýattylyq daǵdylaryn qalyptastyrýdy kózdegen shara aıasynda, kelýshiler tolyqqandy maǵlumattar alyp, kóterińki kóńil kúıde ekendikterin jasyrmady. Is-shara sońynda qala turǵyndaryna jadynamalar taratylyp, qoıylǵan saýaldaryna jaýaptar berildi.
QR Memlekettik qyzmet isteri jəne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti bastamashy bolyp otyrǵan mundaı memlekettik qyzmetter jármeńkesi, aldaǵy ýaqytta barlyq aýdanda ótkizý josparda bar.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
