Kezdesý barysynda elimizde jáne álemde paralımpıadalyq sport túrlerin odan ári damytý máseleleri, sondaı-aq Qazaqstanda bıyl Astana-2019 para paýerlıftıng boıynsha álem chempıonatyn ótkizýge qatysty máseleler talqylandy. Osy halyqaralyq deńgeıdegi aýqymdy áleýmetti sport jobasy Qazaqstanda para paýerlıftıng túrleriniń damýyna jańa serpin beretindigi atap ótildi.
Paýerlıftıngke jarystyq tártip retinde úsh jattyǵý kiredi: jaýyrynnyń ústińgi bóligine ziltemir qoıyp otyryp-turý, kóldeneń oryndyqta jatyp ziltemir kóterý, ziltemir tartý — bular, tutas alǵanda, sportshynyń biliktiligin anyqtaıdy. Para paýerlıftıng — bul múmkindikteri shekteýli jandar arasyndaǵy jarys.
2018 jylǵy 4 shildede Astanada Memleket basshysynyń qatysýymen Qaraótkel kentinde ornalasqan Qazaqstandaǵy alǵashqy Paralımpıadalyq jattyqtyrý ortalyǵy ashyldy. Ortalyq jazǵy jáne qysqy paralımpıadalyq sport túrlerinen ulttyq qurama komandalar men sport rezervterin sapaly ári kásibı daıarlaýǵa arnalǵan.
29 maýsym – 6 shilde aralyǵynda Astanada ótetin Para paýerlıftıng boıynsha álem chempıonaty — Tokıo-2020 paralımpıada oıyndary aldyndaǵy aqtyq lısenzııalyq jarys. Jarystarǵa álemniń 90 elinen 400 sportshy qatysady dep josparlanǵan.
