«Seı-Nar» óndiristik kesheni» JShS qyzmetiniń negizgi baǵyty – tazartylmaǵan ósimdik maıy, shrot, un jáne aýyl sharýashylyǵynyń basqa da qaıta óńdeletin ónimderin shyǵarý bolyp tabylady. Kásiporyn ónim kóleminiń 60%-nan astamyn Qytaı, О́zbekstan, Tájikstan sekildi shetelderge shyǵarady.
Bólingen qarajat esebinen kompanııa qytaılyq treıdermen jasalǵan eksporttyq kelisimshart boıynsha, sondaı-aq qolǵa alynǵan basqa da kelisimsharttar boıynsha mindettemelerin oryndaýdy josparlap otyr. Saqtandyrý qorǵanysynyń berilýi kásiporynnyń búkil jyl boıy úzdiksiz óndirisin qamtamasyz etý úshin 20 000 tonna kóleminde kúnbaǵys satyp alý qajettiligimen baılanysty. Bul shıkizattan kompanııa 9 000 tonnaǵa deıin maı óndirip, óndirgen ónimin Qytaıǵa eksportqa ótkize alady. QHR kompanııasymen jasalǵan eksporttyq kelisimsharttyń jalpy somasy on mıllıon AQSh dollaryn quraıdy.
«KazakhExport» eksporttyq saqtandyrý kompanııasy» AQ – «Báıterek» holdınginiń enshiles kompanııasy. KazakhExport ekonomıkanyń basym sektorlarynda shıkizattyq emes taýarlar, jumystar, qyzmetter eksportynyń ósimin qoldaý jáne qazaqstandyq kásiporyndardy qarjylaı-saqtandyrý jáne qarjylaı emes qoldaý praktıkasyn qalyptastyrýmen aınalysady.
