Bul Qaǵıdalar Qazaqstan Respýblıkasynyń Ádilet mınıstrliginde 2019 jylǵy 24 qańtarda № 18233 bolyp tirkeldi jáne QR NQA elektrondyq túrdegi etalondyq baqylaý bankinde 2019 jyldyń 28 qańtarynda jarııalandy.
Qaǵıdalar alǵashqy resmı jarııalanǵan kúninen keıin kúntizbelik on kún ótken soń, ıaǵnı 2019 jyldyń 8 aqpanynan bastap qoldanysqa engiziledi.
Bekitilgen Qaǵıdalardy Siz myna silteme boıynsha kóre alasyz: http://adilet.zan.kz/kaz/docs/V1900018233
2019 jyldyń 1 qańtarynan bastap shaǵyn jáne orta bıznes sýbektileri úshin salyqtyq raqymshylyqty júrgizýdi qarastyratyn Zań kúshine engeni belgili.
2019 jyldyń 25 qańtaryndaǵy jaǵdaı boıynsha 25 769 salyq tóleýshi bıýdjetke 2018 jyldyń 1 qazanynda bolǵan jalpy somasy 5,5 mlrd.teńge quraıtyn negizgi qaryzyn tólegen.
Esepten shyǵarý tártibine sáıkes, osy salyq tóleýshilerdiń jalpy somasy 1,0 mlrd.teńge ósimpul jáne 37,0 mln.teńge aıyppul esepten shyǵarylatyn bolady.
Onyń ishinde 2018 jyldyń 1 qazanynda tirkelgen barlyq salyq túrleri boıynsha negizgi qaryzyn tólegender - 24 270 salyq tóleýshiler bar, tólengen salyq qaryzy – 4,8 mlrd. teńge.
Bul salyq tóleýshiler boıynsha jalpy somasy 0,6 mlrd.teńge ósimpuly jáne 20,3 mln.teńge aıyppuly esepten shyǵarylatyn bolady.
Aldyn-ala derekter boıynsha 2018 jylǵy 1 qazandaǵy jaǵdaıǵa sáıkes 340,6 mlrd. teńge salyq bereshegi bar 90 077 shaǵyn jáne orta bıznes sýbektileri (31 210 zańdy tulǵalar jáne 58 867 dara kásipkerler) raqymshylyqqa jatady.
Bul rette, egerde negizgi qaryzdy 210,4 mlrd.teńge kóleminde tólegen jaǵdaıda esepten shyǵarýǵa jatatyn ósimpuldyń jalpy somasy - 122,9 mlrd.teńge, aıyppuldyń somasy – 7,3 mlrd.teńgeni quraıdy.
Bul rette 2018 jylǵy 1 qazannan bastap negizgi qaryz somasyn tóleý kúnine deıin eseptelgen ósimpul somasy esepten shyǵarylady.
Bul rette monıtorıngke jatatyn, iri salyq tóleýshiler, jer qoınaýyn paıdalanýshylar (jer asty sýyn óndirý, emdeý balshyǵyna quqyǵy bar jer qoınaýyn paıdalanýshylardy qospaǵanda), aksızdeletin ónimdi óndiretin óndirýshiler salyqtyq raqymshylyqqa jatpaıdy.
Rahymshylyqqa iligý úshin salyq tóleýshilerge eshqaıda barýdyń qajeti joq, memlekettik kirister organdary salyqtyq bet esepterine monıtorıng jasap, negizgi salyq qaryzyn tólegen jaǵdaıda, úsh jumys kúnnen keshiktirmeı esepten shyǵarý týraly tıisti sheshimderin shyǵaryp otyrady.
Salyq tóleýshiler negizgi qaryzy, ósimpul mólsheriniń somasyn anyqtaý úshin «Salyq tóleýshiniń kabıneti» veb-qosymshasynda bet esebinen úzindi alýyna bolady.
Sondaı-aq, Komıtettiń www.kgd.gov.kz ınternet-resýrsy jáne «Elektrondyq úkimet» portaly «Salyqtyq bereshektiń joqtyǵy (bar bolýy) týraly aqparat» elektrondy servısi arqyly onlaın rejıminde JSN/BSN boıynsha salyqtyq bereshektiń bolýy / bolmaýy týraly aǵymdaǵy aqparatty alýǵa bolady.
Ońaltý rásimindegi jáne salyqtar boıynsha tóleý merzimin uzartqan salyq tóleýshilerge qatysty rahymshylyq qoldanýdyń tártibi basqasha.
Salyqtyq rahymshylyqqa iligý úshin osyndaı salyq tóleýshiler memlekettik kirister organdaryna tıisti ótinishti joldap, salyqtar boıynsha negizgi qaryzyn erterek tóleýi qajet.
Odan basqa, ońaltý rásimindegi salyq tóleýshiler ońaltý josparyna ózgeris engizip, ony kredıtorlar jınalysynda kelisip, sotpen bekitýi qajet.
