Ishki ister mınıstrligine bilim jáne ǵylym mınıstrligimen, oblystardyń, Astana, Almaty jáne Shymkent qalalarynyń jergilikti atqarýshy organdarymen birge:
1) mektepterdi, tehnıkalyq jáne kásibı bilim beretin uıymdardy kámeletke tolmaǵandardyń isteri jónindegi polısııa ınspektorlarymen qamtamasyz etý boıynsha sharalar qabyldaý;
2) turaqty negizde halyqaralyq tájirıbeni esepke ala otyryp, kámeletke tolmaǵandar arasyndaǵy qylmys profılaktıkasy boıynsha kámeletke tolmaǵandar isteri jónindegi polısııa ınspektorlary úshin biliktiligin arttyrý kýrstarynyń ótkizilýin qamtamasyz etý;
3) 2016-2017 jyldar kezeńindegi kámeletke tolmaǵandar isi jónindegi polısııa ınspektorlarynyń jumystaryna taldaý jasaý, olardy jetildirý boıynsha usynystar ázirleý;
4) ómirdiń qıyn jaǵdaıyna tap bolǵan sátsiz otbasylardaǵy balalardy anyqtaý boıynsha jumystardy uıymdastyrý jáne ótkizý;
Bilim jáne ǵylym mınıstrligi ishki ister mınıstrligimen, mádenıet jáne sport mınıstrligimen, Astana, Almaty jáne Shymkent qalalarynyń jergilikti atqarýshy organdarymen birge:
1) halyqaralyq tájirıbeni eskere otyryp, kámeletke tolmaǵandar arasyndaǵy quqyqbuzýshylyq profılaktıkasy máselesi boıynsha áleýmettik pedagogtar, pedagog-psıhologtar úshin biliktiligin arttyrý kýrsyn ótkizýdi qamtamasyz etý;
2) zańǵa baǵynýshylyq áreketti, quqyqbuzýshylyqqa múldem tózbeýshilikti, balalardyń berik psıhologııalyq densaýlyǵyn qalyptastyratyn, mektep jáne kolledj oqýshylarynyń quqyqtyq bilim deńgeıin arttyrý boıynsha ýaqytyly beınerolıkter ázirlep, taratý;
3) Balalarǵa qatysty zorlyq-zombylyq jáne qatygezdik kórsetýdiń aldyn alý jónindegi 2019 –2021 jyldarǵa arnalǵan vedomstvoaralyq birlesken is-qımyl josparynyń sapaly oryndalýyn qamtamasyz etý;
4) organdar men bilim berý uıymdaryna balalarǵa qatysty qatigezdikti anyqtaý jáne jumys jasaý boıynsha vedomstvoaralyq ózara baılanys algorıtimin jetkizý.
Densaýlyq saqtaý mınıstrligine:
1) zorlyq-zombylyqqa nemese qatygezdikke tap bolǵan balalarǵa turaqty túrde ýaqytyly bilikti kómek kórsetýdi qamtamasyz etý;
2) damýynda, is-áreketinde aýytqýshylyǵy bar nemese áleýmettik qaýipti jaǵdaıda júrgen jasóspirimge kómek kórsetý boıynsha densaýlyq saqtaý mekemeleriniń qyzmetin jetildirý boıynsha sharalar qabyldaý.
Aqparat jáne kommýnıkasııa mınıstrigine:
1) kámeletke tolmaǵandar isi boıynsha materıaldy durys taratý boıynsha jýrnalıster arasynda oqytý semınarlarynyń ótkizilýin qamtamasyz etý;
2) kámeletke tolmaǵandarǵa qatysty zorlyq-zombylyq, sýısıd, jáne basqa da quqyqbuzshylyqtar jasaýǵa úndeıtin áleýmettik jelidegi, saıttar men ınternet-resýrstardaǵy paraqshalardy buǵattaý sharalaryn turaqty negizde kúsheıtý;
3) respýblıkalyq jáne óńirlik telearnalarda balalar tárbıesi jáne olardyń qaýipsizdigin qamtamasyz etýdegi ata-ananyń jaýapkershiligin arttyrý boıynsha beınerolıkter men beınesabaqtardy taratý múmkindikterin qarastyrý.
Oblystardyń, Astana, Almaty jáne Shymkent qalasynyń ákimdikterine:
1) kámeletke tolmaǵandar arasynda quqyqbuzýshylyq profılaktıkasyna baǵyttalǵan sharalar ótkizý arqyly bilim berý mekemeleriniń ata-analar qoǵamymen ózara qarym-qatynasyn jandandyrý sharalaryn qabyldaý;
2) zańǵa baǵynýshylyq áreketti, quqyqbuzýshylyqqa múldem tózbeýshilikti, balalardyń berik psıhologııalyq densaýlyǵyn qalyptastyratyn, oqýshylar men ata-analardyń quqyqtyq bilim deńgeıin arttyrý boıynsha balalar men ata-analardyń habardarlyq deńgeıin arttyrýǵa baǵyttalǵan aqparattyq kampanııalar ótkizý;
3) IýNESKO bastamashy bolǵan «Qaýipsizdikte oqý» kampanııasyn ótkizý múmkindigin qarastyrý;
4) úkimettik emes uıymdardy tarta otyryp memlekettik áleýmettik tapsyrys aıasynda kámeletke tolmaǵandar arasyndaǵy quqyqbuzýshylyq profılaktıkasy máselesi boıynsha jobany júzege asyrýǵa jergilikti bıýdjetten qarajattyń bólinýin qarastyrý;
5) kámeletke tolmaǵandar arasynda zorlyq-zombylyq, sýısıd jáne quqyqbuzýshylyq derekterin taldaý jáne monıtorıng júrgizý;
6) erekshe ustaý rejımi jáne tárbıeleý abaqtysynan, devıantty áreketi bar balalarǵa arnalǵan bilim berý mekemelerinen oralǵan kámeletke tolmaǵandardy áleýmettik beıimdeý jáne ómirge beıimdeý boıynsha sharalar qabyldaý;
7) áleýmettik-álsiz otbasy balalary men quqyqbuzýshylyqqa beıim balalardy tarta otyryp, skaýttyq jáne eriktiler qozǵalysyn damytý sharalaryn qabyldaý;
8) balalardyń qosymsha bilimmen, sport seksııalarymen aınalysýyn qamtamasyz etý boıynsha sharalar qabyldaý.
