Qazaqstan • 04 Aqpan, 2019

Aldaǵy ýaqytta salyqqa qatysty málimet SMS-habarlamalar arqyly taratylady

321 ret kórsetildi

Qarjy vıse-mınıstri Qanat Baedilov Primeminister.kz resmı resýrsynyń alańynda bergen suhbatynda Memleket basshysynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» Qazaqstan halqyna arnaǵan Joldaýynda bergen tapsyrmalary aıasynda elimizde salyq tóleýshilerge jasalyp jatqan jeńildikter týraly aıtyp berdi.

Memleket jeke tulǵalardyń salyqtardy ýaqytyly tóleýine túrli qolaıly jaǵdaılar jasap otyr. Máselen, búgingi tańda árbir jeke tulǵa eshqaıda barmaı-aq, úıinde otyryp Elektrondy úkimet portaly men Memlekettik kirister komıtetiniń saıtynda ózderiniń jeke sáıkestendirý nómirleri arqyly qandaı salyqtarynyń bar ekenin, onyń qashan paıda bolǵanyn, qashan tóleý kerektigi týraly aqparattardy bile alady. Budan ózge, qarjy vıse-mınıstriniń aıtýynsha, ońtaılandyrý sharalary osymen toqtap qalǵan joq, qyzmetter sapasy birtindep jaqsartylyp jatyr.

«Bıyldan bastap jeke tulǵalar egov.kz portaly men Memlekettik kirister komıtetiniń saıty arqyly aldaǵy ýaqytta qandaı salyqtar tóleý kerek bolatyny týraly aqparatty kóre alady. Sondaı-aq, osy jyldan bastap SMS-habarlamalar arqyly qandaı salyq bereshekteri bar, qandaı salyqtar aldaǵy ýaqytta tólenýi kerek degen habarlamalar taratatyn bolamyz», — dedi qarjy vıse-mınıstri Q. Baedilov. 

Budan ózge, vıse-mınıstrdiń aıtýynsha, Sıngapýr jáne Eýropa memleketteriniń ozyq tájirıbelerin eskere otyryp, 1414 biryńǵaı baılanys ortalyǵyna qońyraý shalyp, jeke kásipkerler, jeke tulǵalar qandaı salyq bereshegi bar ekeni týraly aqparatpen qosa, keden jáne salyqtar týraly basqa da suraqtarǵa jaýap ala alady. Osyǵan oraı tıisti biliktiligi bar mamandar daıarlanyp jatyr. Atalǵan jumysty da 2-3 aıdan keıin iske asyrý kózdelgen.

Qarjy vıse-mınıstri salyq tóleýshilerdiń salyq mádenıetin de arttyrý qajettigin, salyq tóleýshilermen aradaǵy keri baılanysty qamtamasyz etý úshin memlekettik organdar tarapynan tıisti jumystar júrgizilip jatqanyn atap kórsetti.

Sonymen qatar, Q. Baedilovtyń aıtýynsha, 2018 jyldyń ekinshi jarty jyldyǵynan bastap Qarjy mınıstrliginde appelıasııalyq komıssııa jumys istep jatyr. Onyń quramyna tek Qarjy mınıstrliginiń qyzmetkerleri emes, sondaı-aq Ulttyq ekonomıka mınıstrligi men «Atameken» UKP ókilderi kiredi.

«Appelıasııalyq komıssııa otyrystarynda salyq jáne keden daýlary qarastyrylyp, ádil sheshimder qabyldanady», — dedi qarjy vıse-mınıstri.

О́z suhbatynda qarjy vıse-mınıstri Q. Baedilov, atalǵan sheshimder Qarjy mınıstrliginiń saıtynda jarııalanatynyn aıtty jáne osy sheshimder salyq tóleýshiler óz qyzmetterin júzege asyrý barysynda jiberetin qatelikterdi boldyrmaýdyń aldyn alýǵa úlken kómegin tıgizedi dep keńes berdi.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar