Qazaqstan • 04 Aqpan, 2019

Qoryqshy Erlan Nurǵalıev III dárejeli «Barys» ordenimen nagradtaldy

378 ret kórsetildi

Nursultan Nazarbaev «Ohotzooprom» О́B» RMQK ınspektory Erlan Nurǵalıevti qyzmettik boryshyn atqarý ústinde kórsetken erjúrektigi men janqııarlyǵy úshin  III dárejeli «Barys» ordenimen nagradtady. Bul týraly Aqordanyń resmı saıty habarlady. 

«Ohotzooprom» О́B» RMQK ınspektory Erlan Nurǵalıev 13 qańtarda sırek kezdesetin jáne quryp ketý qaýpi bar aqbókenderdi qorǵaý barysynda brakonerlerdiń qolynan aýyr jaraqat alyp, qaza tapqan bolatyn. Bul jaıynda eń áýeli AShM Orman sharýa­shy­lyǵy jáne janýarlar dúnıesi komı­tetiniń baspa­sóz ­hatshysy Sáken Dil­dahmet habarlaǵan edi.

Inspektorlar 2019 jyldyń 13 qańtarynda Qaraǵandy oblysynyń Nura aýdanyna reıd ja­saý­ǵa shyǵyp, atylǵan 5 kıik­ti taýyp alǵan. Sondaı-aq oqıǵa barysynda nómirleri tirkelmegen Toyota Land Cruiser markaly eki avto­kó­likti kórgen. Belgili bolǵandaı, kólikti tintý barysynda olarǵa belgisiz bireýler qarsylyq kórsetken. Sonyń saldarynan bir ınspektordyń jaǵy synyp, al ekinshi ınspektor bas-súıek jaraqatyn alyp, birshama ýaqyt aýrýhanada es-tússiz jatqan. Alaıda, dárigerler ekinshi ınspektordyń ómirin saqtap qala almady. Erlan Nurǵalıev bir táýlikten astam Astana qalasyndaǵy №1 aýrýhananyń qarqyndy terapııa bóliminde ókpeni jasandy jeldetý arqyly es-tússiz jatyp, kóz jumdy.

Osy oqıǵaǵa baılanys­ty QR Qylmystyq kodeksiniń 2-baby­na sáıkes qylmystyq is qozǵalyp, kú­dik­tilerdi qolǵa túsirý jumystary júrgi­zildi. Qaraǵandy oblysyndaǵy ınspektorlarǵa shabýyl jasaý isin elimizdiń Bas prokýrory Qaırat Qojamjarov jeke baqylaýyna aldy. Keıinirek, keshendi tergeý jumystarynan keıin qylmysqa qatysy bar úsh adam anyqtalyp, olarǵa memleketaralyq izdeý jarııalandy. Ishki ister mınıstrligi habarlaǵandaı, K.V. Aqshanov, B.M.Ahmetov jáne N.M.Shúkildekov ınspektor ólimine kúdikti azamattar dep jarııalanǵan bolatyn.

Eske sala keteıik, Erlan Nurǵalıev 1966 jyly Aqmola oblysynda dúnıege kelgen. Mamandyǵy – dene shynyqtyrý jáne áskerı daıyndyq pániniń oqytýshysy. 2012 jylǵy naýryzdan bastap «Ohotzooprom» О́B» RMQK Qaraǵandy tirek pýnktinde ortalyq aımaqtyq fılıaldyń ınspektory qyzmetin atqardy.

Sondaı-aq dál osyndaı ordenmen Aýyl sharýashylyǵy mınıstrligi Orman sharýashylyǵy jáne janýarlar dúnıesi komıtetiniń «Ohotzooprom» О́B» RMQK Ortalyq óńirlik fılıalynyń ınspektory Nısyk Petr Alekseevıch marapattaldy.

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar