Búgin túnde Madrıdtiń «Atletıkosy» óz alańynda Týrınniń «Iýventýsyn» qabyldady. Qos komanda qansha jantalasqanymen, baqandaı 77 mınýt boıy bir-biriniń osal tusyn taba almady. Tek sodan keıin ǵana alań ıeleriniń ústemdigi baıqaldy. Hose Hımenes pen Dıego Godın soqqan goldar «Atletıkoǵa» jeńis syılady – 2:0.
Kelesi match Germanııanyń Gelzenkırhen qalasynda jergilikti «Shalke-04» men «Manchester Sıtı» klýbtary arasynda ótti. Áý basta aǵylshyndar alymdy kórindi. Damylsyz shabýyldar 18 mınýtta Serhıo Agýeronyń golymen aıaqtaldy. Odan keıin qonaqtar ózderiniń aıyp alańynda eki márte ereje buzdy. 11 metrlik núktege kelgen Nabıl Bentaleb eki retinde de múlt ketken joq. Ol azdaı 68 mınýtta Nıkolas Otamendı alańnan qýyldy. Desek te bul jaǵdaı «MS» oıynshylarynyń saǵyn syndyra alǵan joq. 85 mınýtta Leroı Sane jáne 90 mınýtta Rahım Sterlıng mergendik tanytyp, Tumandy Albıon eliniń ókilderi jeńis toıyn toılady – 3:2.
1/8 fınaldaǵy alǵashqy oıyndar mynadaı nátıjemen aıaqtalǵan bolatyn: «Manchester Iýnaıted» – PSJ 0:2, «Roma» – «Portý» 2:1, «Tottenhem» – «Borýssııa D» 3:0, «Aıaks» – «Real» 1:2, «Lıon» – «Barselona» 0:0 jáne «Lıverpýl» - «Bavarııa» 0:0.
Ǵalym SÚLEIMEN,
«Egemen Qazaqstan»
