Baǵdarlama boıynsha zań salasynyń 5 magıstri «Memlekettik quqyq» jáne «Jeke quqyq» baǵdarlamalary boıynsha PHD doktorantýracyna tegin túsedi. Jas zertteýshiler 3 jyldyq oqý merziminde turǵylyqty jermen qamtamasyz etiledi. Dıssertasııasyn tabysty qorǵaǵannan keıin jumysqa ornalasý múmkindigine ıe bolady.
«Jastar jylynyń ashylýynda Elbasy «jas ǵalymdarǵa óz ıdeıalaryn naqty jobalarǵa aýdarýǵa kómektesý kerek» dep atap ótti. Sonymen qatar ol jas ǵalymdardyń zertteýine bólingen granttar sanyn 3 mlrd teńgege kóbeıtýdi tapsyrdy. Biz óz tarapymyzdan jastar jylyna úlesimizdi qossaq deımiz. Qazir álemniń zamanaýı ýnıversıtetteri bilim berý qyzmetine emes, ǵylymı-zertteý salasyna basa mán berýde. Sondyqtan jańalyq ashýǵa, zertteý jumystaryn júrgizýge qyzyǵýshylyq tanytqan jas mamandardy qoldaý mańyzdy. Búginde quqyq taqyrybyndaǵy ǵylymı aqparattyń kóbi shet tilderinde bolǵandyqtan praktıkalyq tájirıbesi bar, quqyqtyq boljam jasaı alatyn ǵalymdardy tárbıelep shyǵarǵymyz keledi», - dep atap ótti M.S. Nárikbaev atyndaǵy QAZGIýÝ Ýnıversıteti Joǵary zań mektebiniń dırektory Sergeı Pen.
Sondaı-aq, Sergeı Pen usynylǵan granttyq qoldaýdyń sharttary týraly áńgimelep berdi: «Kandıdattarǵa qoıylatyn negizgi talaptar: aǵylshyn nemese nemis tilderin bilý, sapaly ári negizdi zertteý taqyryby men buryn júrgizilgen nátıjeli zertteý jumystarynyń bolýy. Baıqaýdyń birinshi kezeńinde úmitkerlerdiń qujattaryn baıqaý komıssııasy syrttaı qaraıdy, keıin jeke suhbatqa shaqyrady. Konkýrstyń syrttaı kezeńi 2019 jyldyń 30 sáýirine deıin, úmitkerlermen suhbat 20 maýsymǵa deıin ótedi. Barlyq qujattar www.kazguu.kz resmı saıtyna onlaın-forma toltyrý arqyly jiberiledi».
