«Qazaqstan Respýblıkasy Ulttyq Bankiniń maqsaty baǵa turaqtylyǵyn qamtamasyz etý bolyp tabylatyndyǵy belgili. Inflıasııa boıynsha 2019 jylǵa arnalǵan nysanaly baǵdar 4-6% bolyp tabylady. 4%-ǵa jýyq bolatyn ınflıasııanyń deńgeıi ońtaıly bolyp tabylady, ol, bir jaǵynan onyń ornyqtylyǵyn jáne ınflıasııalyq prosesterdiń basqarylýyn qamtamasyz etýge, ekinshi jaǵynan – ekonomıkalyq sýbektilerdiń kásipkerlik qyzmetti uzaq merzimdi josparlaýy úshin qajetti jaǵdaılar jasaýǵa, osylaısha, tutastaı alǵanda ekonomıkalyq ósýge yqpal etýge múmkindik beredi.
Álemniń birde-bir elinde ortalyq bankke kredıtteý kólemi boıynsha nysanaly baǵdar bekitilmegenin halyqaralyq tájirıbege jasalǵan taldaý kórsetip otyr. Sonymen birge mundaı praktıka ınflıasııa boıynsha maqsatqa qol jetkizý jónindegi, sol sııaqty qarjy sektorynyń damý turaqtylyǵyn qamtamasyz etý jónindegi sharalarǵa qaıshy keledi. Birinshi jaǵdaıda júrgizilip otyrǵan aqsha-kredıt saıasatyn qosymsha aqsha shyǵarý (onyń ishinde naryqtyq emes talaptarmen ótimdilik berý arqyly) arqyly jumsartý nemese bazalyq mólsherleme jáne Ulttyq Bank operasııalary boıynsha mólsherlemeler deńgeıin tómendetý qajet (ınflıasııaǵa qol jetkizý jónindegi sharalarǵa qaıshy keledi). Nátıjesinde ınflıasııa ósedi, jınaq aqsha, baǵa belgileý jáne esep aıyrysý dollarlanady, ulttyq valıýta álsireıdi. Ekinshi jaǵdaıda prýdensııalyq retteý men qadaǵalaýdy jumsartý qajet (qarjy sektorynyń turaqtylyǵyn qamtamasyz etý jónindegi sharalarǵa qaıshy keledi), onyń nátıjesinde qarjy uıymdary aktıvteriniń sapasy nasharlaıdy, olardyń qarjylyq ornyqtylyǵy tómendeıdi jáne olardyń depozıtorlaryna táýekel bolady» dedi D.Aqyshev.
Bul rette Ulttyq Banktiń tarapynan Úkimetpen birlesip iske asyrylǵan ekonomıkaǵa qoldaý kórsetýdiń nysandarynyń bolýy múmkin. Onyń aıtýynsha, óndiristik sektor úshin kredıttik resýrstarǵa qoljetimdilikti ulǵaıtý jónindegi sharalar sheńberinde QR Úkimetiniń 2018 jylǵy 11 jeltoqsandaǵy № 820 qaýlysymen óńdeý ónerkásibinde jáne agroónerkásiptik keshende qyzmetin júzege asyratyn jeke kásipkerlik sýbektilerin qoldaý úshin 2018 - 2020 jyldary ekinshi deńgeıdegi bankterdi qarjylandyrý kózdeletin basym jobalardy kredıtteý tetigi bekitilgen. Baǵdarlamada Biryńǵaı jınaqtaýshy zeınetaqy qorynyń zeınetaqy aktıvteri jáne Ulttyq Banktiń menshikti qarajaty esebinen tepe-teń negizde jyldyq 11%-ǵa deıin syıaqy mólsherlemeleri boıynsha 7 jylǵa deıin óteý merzimi bar 600 mlrd. teńge bólý boljanady. Qaryz alýshylar úshin túpkilikti mólsherleme 7% mólsherindegi paıyzdyq mólsherlemege qatysty sýbsıdııalaý esebinen 8%-dan aspaıtyn bolady. Baǵdarlamanyń operatory «Damý» kásipkerlikti damytý qory» AQ, ol syıaqy mólsherlemesin sýbsıdııalaıdy. Sondaı-aq ekinshi deńgeıdegi bankterge berilgen qarajatty nysanaly jáne ýaqtyly qarjylandyrýǵa monıtorıngti jáne kredıtterdi maqsatqa saı paıdalanýdy júzege asyratyn bolady.
Úkimettiń jáne uıymdarmen, «Atameken» UKP jáne Qazaqstandyq ındýstrııa damytý ınstıtýtymen (QIDI) birlesken jumystyń nátıjesinde Basym jobalardy kredıtteýge arnalǵan taýarlar tizbesi jasaldy. Ol 36 taýar toptarynan, 65 EQJJ jáne 365 taýar pozısııasynan turady eken.
Ulttyq bank tóraǵasynyń aıtýynsha, Ulttyq Bankke óńdeýshi ónerkásipke jáne aýyl sharýashylyǵyna baǵyttalatyn kredıtter deńgeıi boıynsha, uzaq merzimdi kredıtterdiń úlesi boıynsha, syıaqy mólsherlemesiniń mólsheri boıynsha, sondaı-aq syıaqy mólsherlemesin sýbsıdııalaýǵa arnalǵan memlekettik qoldaý deńgeıi boıynsha nysanaly baǵdarlardy bekitip berý táýekelder sanynyń artýyna, júrgizilip otyrǵan aqsha-kredıt saıasaty tıimdiliginiń tómendeýine, sondaı-aq Qazaqstannyń makroekonomıkalyq turaqtylyǵyna teris áserin tıgizedi.
