Joba boıynsha 12 kovorkıng ortalyǵy ashylǵan. Bıyl aýdan ortalyqtary men iri eldi mekenderde taǵy 17 ortalyq ashý josparlanyp otyr eken.
– Biz 31 myńnan astam oqyrmanǵa qyzmet kórsetemiz. Onyń 11500-den kóbi – 14 pen 29 jas aralyǵyndaǵy jastar. Qorymyzda 414 533 kitap bar. Partııalyq joba aıasynda túrli sharalar uıymdastyrylyp keledi. Aqparat pen elektrondy resýrstardyń da qory mol. О́tken jyly kitap qory 4068 dana jańa kitappen tolyqty, – deıdi Á.Tájibaev atyndaǵy oblystyq ámbebap ǵylymı kitaphana dırektory Nurjamal Myrzamuratova.
Búginge deıin atqarylǵan jumystardy júlgeleıtin bolsaq, bıyl 27 aqpanǵa deıin Syr óńirinen 100 kitaptyń elektrondy nusqasyn daıyndap, Ulttyq aýdarma bıýrosyna joldaý josparlanyp otyr. Sıfrlyq formatqa birinshi kezekte ólketaný basylymdary, sırek kitaptar men gazetter kóshirilip jatyr. Qazirgi tańda ólketaný baǵytyndaǵy 6617 kitap sıfrly formatqa kóshirildi. Ulttyq aýdarma bıýrosyna joldanýy tıis 100 kitaptyń búgingi kúni 80-i aýdarylyp, Word, PDF nusqalary joldandy.
Baqtııar TAIJAN,
«Egemen Qazaqstan»
Qyzylorda oblysy
