Atalǵan qordy toltyrý kózderiniń bireýi – qylmystardyń sanatyna qaraı sottardyń úkimderimen óndiriletin májbúrli tólemder bolyp tabylady. Byltyrǵy jyldyń 2-shi jartyjyldyǵynda 8,5 myń sottalǵandardan 300 mln-ǵa jýyq teńge óndirildi.
Májbúrli tólemderden basqa prosestik mindetterdi oryndamaǵany jáne sot otyrysynda tártip buzǵany úshin, túzeý jumystary túrinde jaza taǵaıyndalǵan sottalǵandardan óndirip alý arqyly Qor qalyptastyrylady.
Zań boıynsha Qorda jınalǵan qarajat qylmys qurbandaryna 2020 jyldyń 1 shildesinen bastap tólenedi.
Seksýaldyq zorlyq-zombylyqtyń qurbany bolǵan kámeletke tolmaǵandar, adam saýdasy men azaptaýlardyń jábirlenýshileri jáne densaýlyǵyna aýyr zııan keltirilgen ne adamnyń ımmýn tapshylyǵy vırýsyn (AITV/JITS) juqtyrǵan adamdar ótemaqyny alýǵa quqyly. Olar 30-dan 50 aılyq eseptik kórsetkish kólemindegi birjolǵy tólemnen turady.
Bul qarjy bıýdjetti atqarý jónindegi ortalyq ýákiletti organymen kúntizbelik on kúnnen keshiktirmeı jábirlenýshilerdiń banktik shotyna aýdarylady.
