Bul joly qutqarýshylarǵa jergilikti «Atyraý» telearnasynyń ókilderi qosyldy.
Aldymen qutqarýshylar Atyraý qalasynyń Ortalyq kópiri tusyndaǵy Jaıyq ózeni boıymen júrip shyqty. Ol tusta qutqarýshylar muz ústinde konkımen, shanamen jigerlene syrǵanap júrgen stýdentterdi, oqýshylardy, ata-analardy, tipti kishkentaı búldirshinder de keziktirdi.
Batys óńirlik aeroutqyr jedel qutqarý jasaǵy men Tótenshe jaǵdaılar basqarmasynyń qutqarýshylary olardyń árqaısysymen áńgimelesý ótkizip, muz ústinde top bolyp jınalyp turý óte qaýipti ekenin túsindirdi. Sondaı-aq, muz ústimen ótken kezde 5-6 metrlik ara qashyqtyqty saqtaý qajet ekenin qatań eskertti.
Sodan soń, shanamen oınap júrgen balalarmen sóılesip, olarǵa muzdyń qaýiptiligin túsindirip, 101 jáne 112 qutqarý qyzmetteriniń telefondaryn esterine saldy. Jaraqattanýdyń aldyn alý maqsatynda, ata-analarǵa balalaryn qatań qadalaǵap júrýdi tapsyrdy.
Odan ári qutqarýshylar Baımýhanov-Mechnıkov kópiri tusyna baǵyt aldy, onda balyq aýlaýshylardy kóp kezdestirdi. Balyq aýlap otyryp spırttik ishimdikterdi qoldanatyn balyq aýlaýshylar, qutqarýshylardy qatty alańdatady. Ádette mas kúıinde kóptegen adamdar qaza bolýy múmkin, óıtkeni adam óz qımylyn qadaǵalaı almaı qalady.
Jasaq qutqarýshylary qysqy balyq aýlaý áýesqoılaryna jeke qutqarý quraldaryn únemi ózderimen birge alyp júrýge, qarapaıym qaýipsizdik erejelerin saqtaýǵa shaqyrdy.
О́tkizilgen birlesken reıd nátıjesinde 100-ge jýyq Atyraý turǵyny aqparattandyryldy.
Búgingi kúni Jaıyq ózenindegi muzdyń qalyńdyǵy 25-26 sm quraıdy. Qurmetti turǵyndar, muzǵa shyqpas buryn qaýipsizdikti qamtamasyz etetin jáne ómirińizdi saqtaýǵa kómektesetin erejelerdi esterińizde saqtap júrińizder! Abaı bolyńyzdar!
