Otbasy fermalary túrinde shaǵyn sharýashylyqtardy qurý salalyq baǵdarlamanyń negizine jatty, olar 100 basqa deıin IQM ósirý boıynsha fermerlik sharýashylyqtardan, ónerkásiptik mal jemdeıtin oryndardan jáne zamanaýı et óndiretin keshenderden turatyn zákirli kooperasııa nysanynda qurylatyn bolady.
AShTО́-in ımporttyq IQM basyn satyp alý úshin nesıelendirýge baǵyttalǵan «Sybaǵa» baǵdarlamasyna qatysatyn fermerdiń Agrarlyq nesıe korporasııasy nesıe qarajaty esebinen óziniń jeke tóldeıtin mal basyn qalyptastyrýǵa, sondaı-aq joǵary ónimdi asyl tuqymdy buqalardy paıdalanyp, tóldiń ónimdi kórsetkishterin jaqsartýǵa, jem-shóp, tehnıka jáne qural-jabdyqtar satyp alýǵa, jaıylymdy qorshaýǵa múmkindigi bar.
Búgin fermerlik sharýashylyqtar jeńil sharttarmen nesıelendiriledi – nesıe merzimi 15 jylǵa deıin, syıaqy mólsherlemesi sýbsıdııalaýdy eskerýmen 4%-dan bastap. Kepilzattyq qamtamasyz etýge qoıylatyn talaptar maksımaldy jeńildetildi – kepilzat retinde qolda bar, satyp alynatyn mal jáne fermerlerdiń ózge aktıvteri qabyldanady.
Importtyq maldy alýdyń artyqshylyqtaryn atap ótken jón - bul fermerlerdi joǵary genetıkalyq áleýeti bar IQM-men qamtamasyz etý. Importtyq maldyń tólin ósirgende, qysqa merzimde 550-600 kg. sońǵy salmaqty alýǵa múmkindik beredi, al jergilikti genetıkany paıdalanǵanda, tek osynyń jarty salmaǵyna ǵana qol jetkizýge bolady.
2018 jyly Agrarlyq nesıe korporasııasy osy baǵdarlama sheńberinde 19,1 mlrd. teńge somasyna ımporttyq IQM 30,1 myń basyn satyp alý úshin 201 AShTО́-di nesıelendirdi, solardyń ishinde elimizge IQM 15,2 myń basy ákelindi jáne 2,3 myń basy jolda kele jatyr.
2019 jyly «QazAgro» Holdıngi ımporttyq IQM basyn satyp alýdy qarjylandyrý boıynsha 100 myń bas ındıkatıvin belgiledi, solardyń ishinde Korporasııanyń úlesi 65 myń basty quraıdy, bul maqsattarǵa 40,6 mlrd. teńge bólindi.
О́ziniń IQM basyn keńeıtýge nesıe alýǵa nıet bildirgen fermerlik sharýashylyqtar jaqyn ornalasqan Nesıe seriktestikterine, «Agrarlyq nesıe korporasııasy» óńirlik fılıaldaryna, sondaı-aq Ortalyq apparattyń keńsesine júgine alady.
