Analar ákimmen kezdesý barysynda túrli áleýmettik máselelerin kóterip, tilek-ótinishterin bildirdi.
О́z kezeginde Asqar Myrzahmetov óńirdegi az qamtylǵan jáne kóp balaly analarǵa qajetti kómekter barynsha kórsetiletinin, ol úshin bıylǵy bıýdjet esebinen 30 mıllıard teńge bólingenin aıtty. Ákimniń aıtýynsha, az qamtylǵan otbasylardy qoldaý maqsatynda oblysta bıyl 10 jataqhana salynady. Onyń 7-eýi Taraz qalasynan, al 3 jataqhana Shý, Qarataý jáne Jańatas qalalarynan boı kótermek. Bul jataqhanalar turǵyn úı kezeginde turǵan az qamtylǵan jáne kóp balalaly otbasylardy qamtıtyn bolady. Al, osyndaı otbasylardan shyqqan oblys mektepterinde oqıtyn 29 myń balanyń ystyq tamaǵyna 2 mıllıard teńge, mektep formasyn alyp berý úshin 500 mıllıon teńge bólinbek. Budan bólek, 23 myń oqýshyǵa jazǵy saýyqtyrý lagerlerine tegin joldama berilmek.
Sondaı-aq, ákim az qamtylǵan jáne kóp balaly otbasynan shyqqan oqýshylar men túlekter úshin de aıtarlyqtaı jeńildikter jasalatynyn jetkizdi. Aıtalyq, bıyl kolledjderge bólinetin 13 myń granttyń 50 paıyzy az qamtylǵan jáne kóp balaly otbasynyń balalaryna tıesili bolmaq. Iаǵnı, 6 jarym myńǵa jýyq stýdent memleket esebinen kolledjderde tegin oqytylady. Olardyń shákirtaqysy men tamaqtanýyna 1,7 mıllıard teńge qaralmaq.
Sonymen qatar, 7500 az qamtylǵan jáne kópbalaly otbasylardyń kommýnaldyq tólemderin tólep berý úshin 500 mıllıon teńge bólinedi. Asqar Myrzahmetov óz sózinde az qamtylǵan jáne kópbalaly otbasylardyń 70 paıyzy aýylda turatynyn eskerip, olarǵa demeýshiler esebinen qaıtarymsyz mal berý sharalary da qarastyrylyp jatqanyn aıtty. Sonymen qatar, óńir basshysy áleýmettik qoldaý kórsetý úshin qurylatyn arnaıy komıssııa quramyna da barynsha kópbalaly analardyń qosylatynyn aıtyp ótti.
Aıta keteıik, respýblıkalyq «Baqytty otbasy» aksııasy aıasynda az qamtylǵan jáne kópbalaly otbasylaryna áleýmettik qoldaý kórsetý úshin oblystyq «Qamqor» jobasy qolǵa alynǵan. Oǵan 1 myńnan asa eriktiler tartyldy.
Hamıt ESAMAN,
«Egemen Qazagstan»
Jambyl oblysy
