OLIMPIADA AIаQTALDY. QAI EL QANDAI NÁTIJE KО́RSETTI?

Bıatlonnan ótken estafetalyq saıysta Qazaqstan quramasy sapynda Iаn Savıskıı, Dıas Keneshev, Nıkolaı Braıchenko, Aleksandr Chervıakov óner kórsetti. Alaıda, olar 18-orynda qalyp qoıdy. Shańǵydan 30 shaqyrymdyq áıelder esta­fe­ta­synda da ortasha óner kórsettik. Eń du­rys nátıjege Oksana Iаskaıa qol jet­kizdi. Ol 19-oryn alsa, Elena Ko­lomına, Marına Matrosova jáne Sve­tlana Malahova sońǵy lekte kó­rindi. Sońǵy kúni erler 50 sha­qy­rym­ǵa júgirdi. Bul rette biz Alekseı Poltorannıniń tileýin tiledik. Buǵan deıin eki qashyqtyqta 5-orynǵa taban tiregen jer­lesimiz sheshýshi sátte jasyndaı jar­qyraýǵa tıis dep úmittendik. Sondaı-aq, marafonda Evgenıı Ve­lıchko jarys jolyna shyqty. О́kinishke qaraı, jerles­te­rimiz top jara almady. Poltoranın 27-oryndy ıelense, Velıchko 39-satyǵa taban tiredi. Eń qyzyqty tartys shaıbaly hokkeıden ótti. Jartylaı fınalda AQSh quramasy Fınlıandııany tas-talqan etip utty. Amerıkalyqtardyń alǵashqy kezeńde salǵan alty shaı­ba­syna skandınavtar bireýmen ǵana jaýap qaıyrdy – 6:1. Kanada men Slovakııa qatty tiresti. Áý basta aı­dyn ıeleriniń qarqyny tym kúshti edi, alaıda ýaqyt oza qonaqtar da na­mysqa qamshy basty. Aqyry match 3:2 esebimen aıaqtaldy. Jeńiske jet­kender fınalǵa shyqty da, je­ńil­gen­der qola medal úshin talasty. Bul matchtyń ekeýi de óte tartysty ótti. Úshin­shi orynǵa talasqan ko­man­da­lar­dyń tartysy qyzyqqa toly boldy. Skandınavııa túbeginiń sańlaqtary matchtyń sońǵy núktesin qoıdy. Esep – 5:3. Aqtyq aıqasta Kanada men AQSh kezdesti. Kórshiles memleketter ara­syn­daǵy teketires óte tartysty ótti. Eki jaq bir-biriniń uzaǵanyn qalamaı, únemi ta­razy basyn teńseltip otyrdy. Bi­rin­she kezeńde kanadalyqtar alǵa shyqty. Úzilisten keıin qos komanda bir retten nysanany dál kózdedi. Úshinshi kezeńniń sońyna deıin shabýyl­shy­lar­dyń bar eńbegi zaıa ketti. Desek te sońǵy se­kóndt­­ter­de amerıkalyqtar nysanany dál kózdep, esepti teńestirdi. Al over­taım­da Sıdnı Krosbı salǵan shaıba Kanada quramasynyń mereıin ústem etti. Esep – 3:2. Komandalyq esepte 26 medaldi jeńip alǵan Kanada qara úzip ketti. Olar 14 altyn 7 kúmis jáne 5 qola júldemen kósh bastady. Eger sport tarıhyna júginsek, bir Olımpıadada osynshama kóp mólsherde bas júlde alǵan komanda bolmaǵan eken. 1976 jyly Insbýrkte KSRO jáne 2002 jyly Solt Leık Sıtıde Norvegııa quramasy 13 altynǵa qol jetkizgen. Al kanadalyqtar Van­kýverde olardyń barlyǵynan asyp tústi. 2-oryndy alań ıelerinen tórt medali kóp bolsa da tórt altyn júldeni kem ıelengen Germanııa enshiledi. Olardyń budan basqa taǵy 7 kúmis jáne osynshama qola medali bar. 3-orynǵa bıylǵy Olımpıadada eń kóp medaldi jeńip alǵan AQSh quramasy jaıǵasty. Bıylǵy básekeden amerıka­lyq­tar­dyń qor­jy­nyna 9 altyn, 15 kúmis pen 13 qola me­dal tústi. Al bizdiń kór­shilerimiz Qytaı men Reseıge ke­ler bolsaq, onyń bi­rin­shisi 11 júlde alyp, 7-orynǵa taban ti­redi. Shy­ǵys­taǵy kórshimizdiń enshisinde 5 altyn, 2 kúmis jáne 4 qola bar. Bıylǵy Olımpıadada Reseı qura­ma­sy laıyqty deńgeıde óner kórsete alǵan joq. Sońǵy úsh qysqy oıyndarda dástúrli túrde alǵashqy bestikke kirip júrgen soltústiktegi ormandaı el osy jolǵy jarysta áreń degende jetti desek bolady, 3 altyn, 5 kúmis jáne 7 qola medaldi jeńip aldy. Barlyǵy – 15 júlde. Jalpy, Olımpıada kezinde reseılikterdiń “TV S”, “Rossııa 24”, “Ros­sııa” sııaqty telearnalaryndaǵy “Postkrıptým”, “Vestı” baǵdarla­ma­la­rynda otandastarynyń ónerlerine rıza bolmaı, bıylǵy Olımpıadany sońǵy kezderi bolǵan eń sátsiz jarys, Reseı básekeler bastalǵan kúnnen beri qonaq kútý, túrli keshter ótkizý men ánshiler sha­qyryp konsert qoıýdan ǵana birinshi oryn alyp otyr dep bergen baǵalaryna qosylýǵa bolady. “Syrt kóz – synshy” deıdi. Olımpıada kezinde bizdiń baıqaǵanymyz dál osylaı boldy. Endi soltústiktegi kórshimiz osydan sabaq alyp, kelesi joly óz alańynda ótetin Olımpıadaǵa saqadaı-saı bolyp daıyndalatynyna sengimiz keledi. Al TMD jáne Baltyq jaǵalaýy elderiniń arasynan Belarýs 1 altyn, 1 kúmis jáne 1 qola medalmen týrnır kestesindegi 17-oryndy ıelense, 1 kúmis júldeni qanaǵat tutqan Qazaqstan men Estonııa 25-oryndy bólisti. Qoryta aıtqanda, Qazaq eliniń qysqy oıyndar sııaqty tórt jylda bir kelip, qyrýar eńbekti talap etetin básekede otyzdyqqa kirýi ońaı sharýa emes deýge bolady. Buǵan deıin bol­ǵan úsh Olımpıadada qor­jy­ny­myz bos qaıtqan kúnderdi eskersek, Úı­eń­ki japyraqty elde ulttyq qu­ramanyń kúmis júldeni Uly dala eline arqalap kele jatqany halyq­ara­lyq sahnada Qazaqstannyń be­de­line bedel qosatyn jetistik ekeni sózsiz. Sóz sońynda bıylǵy Olım­pıadaǵa 82 elden 2 766 sportshynyń jarystyń 15 túri boıynsha 86 medal jıyntyǵyn sarapqa salǵanyn eskertkimiz keledi. Ǵalym SÚLEIMEN, arnaıy “Egemen Qazaqstan” úshin –Vankýverden.