AQSh-qa jumys sapary aıasynda elimizdiń Densaýlyq saqtaý mınıstriniń mindetin atqarýshy Eljan Birtanov AQSh Densaýlyq saqtaý jáne áleýmettik qyzmet departamentiniń (mınıstr) hatshysy Alekseı Azarmen kezdesti. Sonymen qatar, kezdesýge hatshynyń Densaýlyq saqtaý máseleleri jónindegi kómekshisi (vıse-mınıstr) Admıral Bret Gıror qatysty. Admıral Bret Gıror Astana qalasynda medısınalyq-sanıtarııalyq alǵashqy kómek (MSAK) boıynsha Jahandyq konferensııaǵa qatysyp, sondaı-aq birqatar densaýlyq saqtaý nysandaryn aralady.
Kezdesý barysynda densaýlyq saqtaý salasyndaǵy ekijaqty yntymaqtastyqtyń jaı-kúıi men perspektıvalary talqylandy. Atap aıtqanda, Eljan Birtanov AQSh-tyń MSAK jónindegi Astana deklarasııasyn ilgeriletý jónindegi dostar tobyna kirgeni úshin Amerıka tarapyna alǵysyn bildirdi.
Budan basqa taraptar osy jyldyń qyrkúıek aıynda BUU Bas Assambleıasynda joǵary deńgeıdegi keńes kezinde Densaýlyq saqtaý qyzmetterimen jappaı qamtý boıynsha «Qazaqstan jáne AQSh» paralleldi sessııasyn uıymdastyrý máselesin talqylady.
Sondaı-aq aýrýlardy baqylaý jáne aldyn alý ortalyǵynyń jáne azyq-túlik pen dári-dármekterdiń qaýipsizdigin qamtamasyz etý ortalyǵynyń jumysy máseleleri aıtyldy. Bul baǵytta densaýlyq saqtaý mınıstriniń m.a. Eljan Birtanov óz áriptesin elimizde júrgizilip jatqan reformalar týraly habardar etti. Atap aıtqanda, taýarlar men qyzmetterdiń sapasy men qaýipsizdigin baqylaý jónindegi jańa komıtet qurý jospary týraly. Jańa qurylym túrli taýarlardyń, onyń ishinde dári-dármekterdiń jáne olardyń bólshek saýda baǵalarynyń sapasyn baqylaıtyn bolady. Sondaı-aq halyqqa kórsetiletin medısınalyq qyzmetterdiń sapasyna baqylaý jasaıtyn bolady.
О́z kezeginde, AQSh-tyń Densaýlyq saqtaý basshysy tamaq ónimderi men dári-dármekterdiń qaýipsizdigin qamtamasyz etý, balalar arasynda onkologııa boıynsha ǵylymı zertteýler júrgizý, derbestendirilgen medısına boıynsha ulttyq baǵdarlamany oryndaý boıynsha jumys tájirıbesimen bólisti, sondaı-aq osy máseleler boıynsha tájirıbe almasý múmkindigi týraly áńgimeledi.
Kezdesýde sondaı-aq Almaty qalasyndaǵy Ortalyq referens-zerthananyń jumysy sóz boldy. Atap aıtqanda, Eljan Birtanov óz áriptesine osy baǵytta júrgizilip jatqan jumystar týraly, sondaı-aq Bilim jáne ǵylym mınıstrligi men Ádilet mınıstrligi jumyldyrylǵan zerthana qurylymy týraly aqparat berdi. О́z kezeginde amerıkandyq tarap naqty ǵylymı zertteýler men ázirlemelerdi júrgizýdi usyndy.
Kezdesý kezinde hatshynyń Densaýlyq saqtaý máseleleri jónindegi kómekshisi (vıse-mınıstr) Admıral Bret Gıror Astana qalasy Densaýlyq saqtaý obektisiniń (10-emhana) densaýlyq saqtaýdy qorǵaý tásilderi jáne MSAK nátıjeli jumysyn iske asyrý boıynsha jumysynyń úlgisin keltirdi. Ol bul mysaldy árdaıym áriptesterine atap kórsetetinin atap ótti.
