Shańǵy birinshiligine Aqtaý, Atyraý jáne Aqtóbe garnızondarynan 57 áskerı qyzmetshi qatysty. Komandalar 2 áskerı qyzmetshiden quraldy, olardyń biri er adam bolsa, ekinshisi áıel adam, qalǵandary jeke qatysýshy retinde shyqty. Jarys eki etaptan quraldy, olar «Patrýlder estafetasy» men «Patrýlder jarysy» dep atalady. Jarys dıstansııasyna áskerı qyzmetshiler áskerı kıim úlgisinde shyqty. Patrýlder estafetasy 10 km araqashyqtyqtan turady, onyń 5 km er adam, al 5 km áıel adam ótedi. Patrýlder jarysyna komanda starttan birge shyǵyp, ilesip júredi, ýaqyt komandanyń sońǵy múshesi máre syzyǵyn ótken boıda toqtatylady.
«Batys» óńirlik qolbasshylyǵynyń dene tárbıesi jáne sport qyzmetiniń bastyǵy maıor Medet Qulybekovtyń aıtýynsha, bul jarysta barlyǵy komandalyq jumysqa baılanysty, sebebi sportshynyń tehnıkasy da, shydamdylyǵy da minsiz bolǵanymen, qortyndy nátıje onyń seriktesterine baılanysty bolady.
Jarys qorytyndysy boıynsha jalpy komandalyq esepte birinshi oryndy Atyraý qalasynyń 41433 áskerı bólimi, 2 oryndy – Aqtaýlyq 25744 áskerı bólimi, al 3 oryndy Aqtóbelik 30238 áskerı bólimi ıelendi. Endigi kezekte, jarys jeńimpazdary 1-3 naýryz kúnderi Shýchınsk qalasynda ótetin Qarýly Kúshterdiń chempıonatyna qatysady.
Qazaqstan Respýblıkasynyń Qarýly kúshterinde dene daıarlyǵy jaýyngerlik daıarlyqtyń aıyrylmas bóligi bolyp tabylady. Ofıserler men kelisimshart boıynsha áskerı qyzmetshiler turaqty túrde prezıdenttik normatıvterdi, bir aıda bir ret kezekti synaqty, al bir jylda bir ret qortyndy tekseristi tapsyrady.
Gúlaıym ShYNTEMIRQYZY,
«Egemen Qazagstan»
Mańǵystaý oblysy
