Atap aıtqanda, óńir basshysy Bolashaq aýdanynda turǵyzylyp jatqan jańa IT-ortalyqtyń júzege asyrylýymen tanysty. Nysannyń qurylysy byltyr qazan aıynda bastalǵan. Jalpy alańy shamamen 6,9 myń sharshy metr. Qazirgi kezeńde jertóleniń qurylysy aıaqtalyp qaldy. Jumys eki aýysymda júrgiziledi, shamamen 35 adam eńbek etip jatyr. Nysandy osy jyldyń qazan aıynda paıdalanýǵa berý josparlanyp otyr.
Sondaı-aq, Aqtóbede Jeńilatletıkalyq manejdi turǵyzý jumysy jalǵasýda. Keshen jobalaýshylardyń oılastyrýy boıynsha tolyqqandy jarystar men kúndelikti jattyǵýlar ótkizýge múmkindik beretin keńistiktik kólemdi qamtıdy. Nysan aldyńǵy qatarly halyqaralyq standarttarǵa saı bolmaq. Ony osy jyldyń aıaǵyna qaraı paıdalanýǵa beriledi dep josparlanyp otyr. Nysandy qarap shyqqan Berdibek Saparbaev qurylys qarqynynyń baıaýlyǵyna qatysty eskertý jasap, joba qunyn tómendetý jaǵyn qaıta qaraýdy tapsyrdy. Budan basqa, oblys basshysy Q.Jubanov atyndaǵy AО́MÝ-de boldy. Onda ýnıversıtettiń tarıh fakýltetine ataqty tarıhshy, Shalqar aýdanynyń týmasy Bekejan Súleımenovtiń esimi berildi. Sharaǵa ǵalymdar, qoǵam men etnomədenı birlestikterdiń ókilderi qatysty.
"Jas urpaqtyń uly qaıratkerlerdi este saqtaǵandary mańyzdy. Jastardyń tarıhı ǵylymǵa, bizdiń tarıhı jetistigimizdi saqtaýǵa úles qosqan adamdardy bilgeni mańyzdy. El Prezıdenti aıtqan damý qajettiligi týraly rýhanı arnaý degen osy",- dep atap ótti óńir basshysy.
Buǵan qosa, ýnıversıtette Aýǵan soǵysynyń ardager jaýyngerlerdiń qurmetine oqý aýdıtorııasy ashyldy. 1989 jyly 15 aqpanda, osydan otyz jyl buryn keńes əskerleri Aýǵanstannan shyǵarylǵan. Əskerı qımyldarǵa qatysqan 1 500-nan astam ofıser men soldat - bizdiń oblystyń týmalary. Júzden asa aqtóbelik aýǵan jaýyngerleri erligi men erjúrektiligi úshin jaýyngerlik madaqtamalarmen marapattaldy. B.Saparbaev atap ótkendeı, búginde jergilikti atqarýshy organdar tarapynan ardagerlerdiń ómirin jaqsartý úshin az dúnıe jasalyp jatqan joq. Mysaly, pəter bólý, medısınalyq qyzmetter men dəri-dərmekter berilýde. Aýǵan múgedekteri men qaza bolǵandardyń otbastaryna kóp kóńil bólinýde.
