Astana ákimdiginiń jumyspen qamtý ortalyǵynda belgili bolǵandaı, ótken jyly ortalyqtyń kómegine 20 myńnan astam adam júginse, olardyń 8 myńy turaqty jumysqa ornalastyryldy.
Jastar praktıkasyna jáne túrli jumys oryndaryna 836 jas maman joldanǵan. Áleýmettik jumys oryndaryna 200-den astam adam joldandy. Onyń 82-i – jastar. Al, eki myń adam qoǵamdyq jumysqa tartyldy. Olardyń 1239-y – jastar.
«Sonymen qatar ortalyq qaıta oqytýmen aınalysady. О́tken jyly 700 –den astam adam mobıldik qosymshalardy ázirleýshi, kıberqaýipsizdik salasyndaǵy mamany, anımasııa jáne vıdeografıka, tiginshi, dánekerleýshi, kondıter sııaqty mamandyqtar boıynsha bilim aldy», – dedi Jumyspen qamtý ortalyǵynyń dırektory Abaı Baımýldın.
Eki myńnan astam adam kásibı tehnıkalyq mamandyq boıynsha oqyp shyqty. Jańa bıznes ıdeıalardy júzege asyrý maqsatynda 70-ten astam memlekettik grant bólingen bolatyn.
Osylaısha, 2018 jylǵa qoıylǵan maqsat tolyq oryndaldy. 2019 jyly ortalyq jastardy jumyspen qamtý máselesine basa nazar aýdarmaq. Jyl basynan 824 adam jumysqa ornalastyryldy. Olardyń 492-i – jas mamandar. Qazirgi kúni 4 myńnan astam bos oryn bar.
