Senat tóraǵasy Qasym-Jomart Toqaevtyń aıtýynsha, konstıtýsııalyq normalarǵa sáıkes Prezıdent Ulttyq bank basshysyn taǵaıyndaýǵa kelisim berý Senattyń erekshe qaraýyna jatady.
«Memleket basshysy Ulttyq bank tóraǵasy Danııar Aqyshevtiń otstavkasyn qabyldady. Memleket basshysynyń tapsyrmasy boıynsha men Ulttyq bank tóraǵasyn taǵaıyndaýǵa kandıdatýrany kelisýge keldim. Prezıdent Nursultan Nazarbaev Erbolat Dosaevtyń kandıdatýrasyn usyndy. Ol óz qyzmetinde bilikti qarjyger retinde kórsetti. Men taǵaıyndaýǵa kelisim berýińizdi suraımyn» dedi Prezıdent Ákimshiliginiń tóraǵasy Áset Isekeshev.
Senattyń Qarjy komıtetiniń tóraǵasy Olga Perepechına Dosaev ekonomıka jáne qarjy salasynda úlken tájirıbesi bar, nátıjeli top-menedjer bolyp tabylatynyn málimdedi.
Parlament Senatynyń reglamentine sáıkes usynylǵan kandıdatýra komıtettiń keńeıtilgen otyrysynda talqylandy. Senat depýtattary Dosaevty laýazymǵa taǵaıyndaýǵa biraýyzdan kelisti.
