«Eger ol 1 shildege deıin 4 834 teńge bolsa, 1 shildeden bastap 20 789 teńgege jetedi. Ol 18 jasqa deıin tólenedi. Eger ol balalar oqıtyn bolsa, onda 23 jasqa deıin tólenedi. Oǵan qosymsha ata-anasyna tabystary kúnkóris aıyrmashylyǵyn eseptegende kúnkóris deńgeıinen tómen bolsa onda da olarǵa qosymsha járdemaqy tólenedi» dedi Berdibek Saparbaev.
Mınıstrdiń aıtýynsha, áleýmettik kómekti taǵaıyndaǵan kezde halyqqa yńǵaıly bolýy úshin talap etiletin qujattar sany azaıady.
«Endi osynyń barlyǵy qazirgi tańda júzege asyrylyp jatqan «E-halyq» júıesimen júzege asyrylady. Eger keıbir máilimetter joq bolatyn bolsa da ata-ananyń kelýiniń keregi joq. Jergilikti jerlerdegi jumyspen qamtý ortalyqtary, ákimshilikter tıisti memlekettik organdarǵa suraý jasap, ózderine tıisti málimetterdi alatyn bolady» dedi ol.
