«Nur Otan» partııasynyń kezekti XVIII sezinde elimizdiń densaýlyq saqtaý salasyn damytýǵa qatysty jaýapty mindet pen naqty tapsyrma júkteldi. Memleket basshysy Nursultan Nazarbaev atap aıtqandaı, medısına salasyna bólinetin qosymsha qarjy ultymyzdyń densaýlyǵyn saqtaýǵa qyzmet etip, salamatty urpaq qalyptastyrýǵa jumsalýy tıis.
Anyǵynda, «Otandyq medısına, eń aldymen, profılaktıka men salamatty ómir saltyn yntalandyrýdy baǵdar etkeni jón. Qoǵamdyq densaýlyq saqtaý qyzmeti men bastapqy medısınalyq-sanıtarlyq kómek shyǵystary densaýlyq saqtaýdy qarjylandyrýdyń jalpy kóleminde 40-tan 60 paıyzǵa deıin ulǵaıtylýy tıis. Bul – álemdegi barlyq damyǵan eldiń tájirıbesi. Densaýlyq saqtaý salasyn damytýǵa qosymsha 120 mıllıard teńge bólýdi tapsyramyn», degen Elbasy sózi barlyq áriptesime ózimiz tańdaǵan qyzmettik salamyzdy qoldaý ǵana emes, dárigerdiń paryzy men jaýapkershiligin de eselep arttyrýdy mindetteıdi.
Ras, adam janyna arasha turý dárigerdiń kásibı paryzy bolǵanymen, qazirgi zamanǵy tehnıkanyń damýy medısına úshin arqa súıeıtin mańyzdy bólikke aınaldy. Iаǵnı, damyǵan tehnologııa dertti der kezinde anyqtaýǵa, kúrdeli ota jasaýdaǵy dáldikti qamtamasyz etýge taptyrmas kómekshiniń ornyn basty. Demek, bizdiń qyzmetimiz árdaıym osy qural-jabdyqpen tyǵyz baılanysta bola bermek. Osy oraıda bizdiń Almaty oblysyndaǵy densaýlyq saqtaý salasynyń jumysyna kóz júgirtip, atqarylǵan iske toqtala ketken oryndy. Búgingi aımaqtaǵy emhanalardy qajetti qural-jabdyqpen qamtý jumysy oń baǵytta júrip jatyr. О́ńirde medısınalyq jabdyqtarmen qamtamasyz etý deńgeıi 83 paıyzǵa deıin jetti. Onyń ishinde naýqasqa birinshi qol ushyn sozatyn jedel járdem qyzmetine erekshe jaǵdaı jasalýda, ıaǵnı sanıtarlyq avtokólikpen qamtý 78 paıyzǵa deıin artty.
Qazirgi kúni densaýlyq salasynyń jumysyn sıfrly baǵytqa kóshirý mamandar úshin de, turǵyndar úshin de tıimdi bolyp otyr. Osy baǵytta aımaqta «Jetisý» medısınalyq aqparattyq júıesi engizilýde. Bul boıynsha turǵyndar qajetti suraqtary men kerekti qyzmetti mobıldi qosymshalar arqyly alýǵa qol jetkizedi. Dáriger qabyldaýyna jazylý, qajetti maman keńesi, aýrýhana kezegi sııaqty qyzmetter ońtaılanyp, naýqasqa qolaıly jaǵdaı týdy. Osy jerde azamattardy «Elektrondy densaýlyq pasportymen» qamtý týraly aıtqan jón. Qazir oblys turǵyndarynyń 83 paıyzynda bul qujat bar. Al medısına mekemeleriniń 53 paıyzy qaǵazsyz qujat aınalymyna ótti.
О́ńirdegi adam densaýlyǵyn qorǵaýǵa baǵyttalǵan sharanyń mańyzdysy, medısınalyq qyzmet kórsetetin emhana men aýrýhanalardyń tıimdiligin arttyrý bolyp otyr. О́kinishke qaraı, kóp aýdanda mekeme ǵımarattary eskirgen, oryn jetispeýshiligi bar. Qýanyshtysy, oblys ákimdigi bul máseleni sheshýdi qolǵa aldy. О́tken jyly oblys boıynsha densaýlyq saqtaý salasynda 15 nysan jańadan salyndy. Bıyl taǵy 12 nysannyń qurylysy aıaqtalmaq. Ásirese aýdan ortalyqtaryndaǵy aýrýhanalardyń kúrdeli jóndeýden ótip, jańa ǵımaratqa kóshýi dárigerlerdiń jumysyna járdem berip, em-dom sapasyn arttyratyny anyq.
Negizi, jaqsy sózdi kóp aıtqan durys. Men ótken jyly áriptesterimniń kásibı qyzmetiniń arqasynda oblystaǵy jalpy ólim-jitim kórsetkishiniń 3,6 paıyzǵa azaıǵanyn atap ketkim keledi. Bul memleketimizdiń medısına salasyna jasaǵan qoldaýy men aq jeleńdi jandardyń jumys sapasyna mańyz berýiniń aıqyn kórinisi. Al «Nur Otan» partııasynyń kezekti XVIII sezinde densaýlyq saqtaý salasyn damytýǵa qatysty Elbasy bergen tapsyrma osy jumysty shıratyp, odan ári jandandyra túsedi.
О́mirzaq NIZBEKOV,
Almaty oblystyq Densaýlyq saqtaý basqarmasy basshysynyń orynbasary
TALDYQORǴAN
