— Biz oqý-jattyǵý jıynyn 16 naýryzda bastadyq. Qazaqstan chempıonatynyń oıyndaryn keıinge shegerip, Ulttyq quramanyń daıyndyǵyna barlyq jaǵdaı jasap bergeni úshin Federasııaǵa alǵys bildiremin. О́kinishke qaraı, erteńgi oıynǵa jaraqatyna baılanysty Baýyrjan Islamhan men Iýrıı Logvınenko quramaǵa kómektese almaıdy. Qalǵan fýtbolshylar matchqa saqadaı saı.
— Erteńgi oıynda Qazaqstan quramasynyń múmkindigi qandaı?
— Biz Shotlandııa quramasynyń Ulttar lıgasyndaǵy birneshe oıynyn kórdik. Jınaqy komanda ekenin, dopty óz aımaǵynan shabýylshylarǵa jyldam jetkizetinin baıqadym. Sondaı-aq olar qaptalda jaqsy oınaıdy. Sebebi sońǵy goldaryn qaptaldan uıymdastyrylǵan shabýyl arqyly soǵyp júr. Degenmen, erteń bizdiń jigitter jankúıerlerge tosyn syı jasaıdy degen úmittemin.
— Siz 2010 jyly Chehııa quramasynyń bas bapkeri retinde Shotlandııa quramasymen kezdestińiz. Qalaı oılaısyz, brıtanııalyq komanda 9 jylda qanshalyqty ózgergen?
— Biz óz alańymyzda 1:0 esebimen jeńip, syrt alańda teń túskenbiz. Menińshe, Shotlandııa qurmasy burynǵyǵa qaraǵanda oıyn jaǵynan kúsheıgen.
— Baqtıer Zaınýdınov pen Merkeldiń quramaǵa kele jatqanyn estidik. Olarǵa qanshalyqty senim artasyz?
— Merkel bizdiń syrtta oınaıtyn talantty oıynshymyz. Barlyq oıynǵa qatysyp keledi. Gollandııa kýlbynyń bapkeri onyń oıynyn joǵary baǵalap, alańda kóp jaǵdaıdy sheship ketýge múmkindigi joǵary ekenin atap ótti. Zaınýtdınov jaıly da solaı aıtýǵa bolady. Onyń «Rostovtaǵy» bapkerlerimen de sóılesip turamyz. Barlyǵy ony maqtap jatyr.
— Byltyr Alekseı Shetkınniń oıynyn kóp syn aıtyldy. Kóp rette qosalqy quramda otyryp qaldy. Al «Ordabasy» sapynda 1 gol soǵyp, 3 ntáıjeli pas asyrdy. Erteńgi oıynda negizgi quramda shyǵýy múmkin be?
— Shetıkın sońǵy oıyndardy joǵary deńgeıde ótkizip júr. Biraq, erteń negizgi quramda kim shyǵatynyn qazir aıta almaımyn. Degenmen Alekseıdiń qazirgi daıyndyǵy jaman emes. Búgin keshki jattyǵý ótken soń, erteńgi oıynda negizgi shabýylshymyz kim bolatynyn aıtamyn.
Álı BITО́RE,
«Egemen Qazaqstan»
