Asa mártebeli Nursultan Ábishuly!
Biz, shyǵysqazaqstandyqtar, Sizdiń keshegi halyqqa arnalǵan tarıhı Úndeýińizdi zor tolqynyspen tyńdadyq.
Táýelsiz Qazaqstannyń búkil tarıhy О́zińizben baılanysty.
Siz búgingi, jańa Qazaqstannyń negizin qalaǵan Uly tulǵasyz.
Memleket, egemendik, damý men tarıh Sizdiń esimińizben úndes. Biz úshin Siz jaı ǵana memleket basqarýshy emessiz, Siz – Tuńǵysh Prezıdentsiz, Qazaqstannyń halyqaralyq arenadaǵy abyroıyn asyryp, atyn tórtkúl dúnıege tanytqan Uly saıasatker, sarabdal strateg, elin súıip, eli súıgen kemeńger azamatsyz!
Siz keshegi kúıregen keńestik júıeniń soqpaqtarynan súrinbeı ótip, bir ǵana durys jol – damýdyń qazaqstandyq jolyn tańdap, zamanaýı memleket qurǵan qaıratkersiz.
Siz, týǵan eli men halqyna jan aıamaı, ádil de adal qyzmet etýdiń eń joǵary úlgisin kórsetip, memleketimizdi álem nazaryna zor maqtanyshpen tanyta alýymyzǵa jol ashqan Uly Kóshbasshysyz!
Siz Qazaqstanymyzdyń tabysty bolyp, tarıhı mıssııasy men ǵalamdyq ornyn, baqytty taǵdyryn qalyptastyrý úshin búkil ǵumyryńyzdy sarp etken sarabdal saıasatkersiz!
Qazaqstannyń azattyq alyp, ozattar qataryna umtylýy, babalarymyzdyń uly armany – О́zińizdeı Uly perzenttiń arqasynda oryndaldy.
Semeı ıadrolyq synaq alańyn jabý jónindegi Sizdiń taǵdyrsheshti, jahandyq bastamańyz Shyǵys Qazaqstan jerimen tikeleı baılanysty. Sol arqyly Siz azattyq tańy atqan tusta halqymyzdyń jasampazdyq, gýmanızm, jaqsylyq sııaqty qundylyqtardy berik ustanatynyn dúnıe júzine pash ettińiz.
О́ńirimizde 105 ulttyń ókili tatý tirlikte egemen eldiń erteńin eseleýmen keledi. Qymbatty Nursultan Ábishuly, Siz, ultaralyq kelisim ózegi boldyńyz. О́zińizdiń arqańyzda ǵana biz, túrli ulttar arasyndaǵy aýyzbirshilik, dostyq, kelisim men qoldaýdyń anyq baǵasyna kózimizdi jetkizdik.
Búginde dúnıeni dúr silkindirip, memleketterdiń berekesin qashyrǵan jaıttardy kóre otyryp, О́zińiz qurǵan Qazaqstannyń biregeıligin jete túsinemiz.
О́zińizdiń arqańyzda, biz, ekonomıkasy damyǵan, ındýstrııasy myqty, agrarlyq áleýeti joǵary elde baqytty ǵumyr keship kelemiz.
Eki onjyldyq ishinde Qazaqstan basqa álemdik derjavalar júzdegen jyldar jumsaǵan jańalyqtardy batyl engizip, úzdikter qataryna umtyldy. Tarıhı turǵydan qysqa merzimde bizdiń respýblıkamyz elý úzdik jáne bedeldi memleketter qatarynan oıyp turyp, oryn aldy.
Biz, О́zińizdiń týǵan halqyńyz, ul-qyzdaryńyz ispetti Sizdi búkil qazaqstandyqtardyń Uly Atasy dep asqan qurmetpen ataımyz!
О́z Úndeýińizde Siz halqyńyzdyń arqasynda Táýelsiz Qazaqstannyń Tuńǵysh Prezıdenti atanǵanyńyzdy aıtyp edińiz. О́z kezeginde biz, Qazaqstan halqy О́zińizdeı Ult Kóshbasshy bar baqytty el ekenin maqtana jetkizemiz.
Biz jaýapty sheshimińizdi tereń túsinip qabyldaı otyryp, ókinish seziminiń de baryn jasyra almaımyz. Degenmen, О́zińizdiń saıasatta qalyp, asqan jaýapkershilikten bas tartpaı, eline ege bolatyn Elbasy, Ult Kóshbasshysy, Qaýipsizdik Keńesiniń tóraǵasy, «Nur Otan» partııasyna baǵdar berip, memlekettiligimizdi nyǵaıtý jolynda qyzmet etetindigińizdi qýana qabyldaımyz.
Biz Qazaqstanymyzdy О́zińizdeı shynaıy súıýge ýáde beremiz!
Sizge Alataýdaı alǵysymyzdy bildiremiz!
Biz úshin Elbasy men Kóshbasshy jalǵyz, ol Sizsiz!
Biz О́zińizben birgemiz!
Úlken qurmetpen, Shyǵys Qazaqstan oblysynyń turǵyndary: metallýrgııa óndirisi, bilim, densaýlyq saqtaý, áleýmettik sala qyzmetkerleri.
Barlyǵy 10019 qol qoıylǵan
