«Densaýlyq saqtaý mınıstrliginiń málimetinshe, sport túrleri boıynsha ulttyq qurama komandalarda sporttyq dárigerlerdiń tapshylyǵy 11 adamdy qurady, al parasporttyń qurama komandalarynda 15 adam jetispeıdi. Osyǵan baılanysty bul problemany júıeli túrde qalaı sheshpeksizder? О́ıtkeni zamanaýı sporttyq medısına salasy medısına ǵylymynyń bólek baǵyty bolyp otyr», dedi depýtat Quralaı Qaraken.
Mádenıet jáne sport mınıstri Arystanbek Muhamedıulynyń sózine qaraǵanda, bul másele 2016 jyldan beri talqylandy.
«2017 jyly sport dárigerlerin daıarlaý úshin magıstratýra, bakalavrıat jáne Phd doktorantýra salasynda arnaıy grant bólindi. Qazirgi kezde aldyńǵy qatarly medısınalyq JOO-larda sporttyq dárigerler daıyndalýda. Osy oraıda dárigerler jetispeýshiligin Densaýlyq saqtaý mınıstrligimen birlese sheship jatyrmyz», dedi A. Muhamedıuly.
О́z kezeginde Densaýlyq saqtaý vıse-mınıstri Lázzat Aqtaeva sport dárigerlerin elimizdiń úsh oqý orny daıyndap jatqanyn atap ótti.
«2016 jyldan beri 16 adamdy daıyndadyq. Bıyl 19 rezıdent túlek bolady. 2020 jyly taǵy 26 adam bul salaǵa keledi. Sáıkesinshe, joǵaryda atalǵan tapshylyq máselesi sheshiledi. Tapsyrys kólemi dene shynyqtyrý jáne sport uıymdary ótinimi negizinde qalyptasady. Bıylǵy mamyrǵa deıin biz kelesi oqý jylyna tapsyrysty qalyptastyramyz», dedi ol.
