Kún shyǵys elinde keremet óner kórsetken qazaq qyzy 75,96 upaı jıyp, úzdik úshtiktiń qatarynan kórindi. Bul básekede Olımpıada jáne Eýropa chempıony, reseılik Alına Zagıtovanyń baǵy jandy. 82,08 upaıǵa ıelik etken ol qysqa baǵdarlamanyń qorytyndysy boıynsha kósh bastady. Ekinshi orynda – byltyrǵy jylǵy Tórt qurlyq jarysynyń jeńimpazy Kaorı Sakamoto. Japon qyzynyń oljalaǵan upaıy –76,86.
Qysqa baǵdarlama boıynsha myna mánerlep syrǵanaýshylar úzdik ondyqtyń qatarynan kórindi:
1. Alına Zagıtova (Reseı) – 82,08.
2. Kaorı Sakamoto (Japonııa) – 76,86.
3. Elızabet Tursynbaeva (Qazaqstan) – 75,96.
4. Evgenııa Medvedeva (Reseı) – 74,23.
5. Yn Sý Lım (Ońtústik Koreıa) – 72,91.
6. Meraııa Bell (AQSh) –71,26.
7. Rıka Kıhıra (Japonııa) – 70,90.
8. Satoko Mııahara (Japonııa) – 70,60.
9. Sofıa Samodýrova (Reseı) – 70,42.
10. Bredı Tennell (AQSh) — 69,50.
Erteń erkin baǵdarlama boıynsha básekeler ótip, sonyń nátıjesi boıynsha jarystyń jeńimpazy men júldegerleri anyqtalady. Biz osy jarysta Elızabet Tursynbaevaǵa sáttilik tileımiz. Alǵa, qazaqtyń arýy!
Ǵalym SÚLEIMEN
«Egemen Qazaqstan»
