El taǵdyryndaǵy tarıhı sát

Eń bastysy bıliktiń joǵarǵy sa­ty­­syndaǵy aýqymdy ózgeris tike­leı Konstıtýsııaǵa sáıkes júzege asy­­rylǵandyqtan, yń-shyńsyz, ótip, sár­senbiniń sátinde Qazaqstannyń jańa Prezıdenti Qa­sym-Jomart Toqaevtyń Parlament pa­latalarynyń birlesken otyrysynda ant qabyldaý rásimine jalǵasty. 

Qos palata – Senat pen Májilis­tiń depýtattary, Úkimet músheleri, sheteldik dıplomatııalyq ókildikter men qoǵam ókilderi jáne jýrnalıster qatysqan birlesken otyrysty Májilis Tóraǵasy Nurlan Nyǵmatýlın ashyp, záýlim zal­ǵa aldymen saltanatty jaǵdaıda Qa­zaq­stannyń Memlekettik Týy men Kons­tıtýsııasy ákelindi. 

Munan soń birlesken otyrys ótetin zalǵa Qazaqstannyń Tuńǵysh Prezıdenti, Elbasy Nursultan Ábishuly Nazarbaev kirgen sátte kópshilik oryndarynan turyp, úzdiksiz qol shapalaqtarymen qo­shemet kórsetti. 

Táýelsiz Qazaqstannyń ekinshi Pre­zıdenti retinde ant qabyldaýǵa Qa­sym-Jomart Toqaev kelgen sátte de Prezı­dentke laıyq qurmet kórsetildi. 

Otyrys tártibi boıynsha sóz alǵan Konstıtýsııalyq Keńes Tóraǵasy Qaırat Mámı: «Táýelsiz Qazaqstannyń negizin qalaýshy, Qazaqstan Respýblıkasynyń Tuńǵysh Prezıdenti – Elbasy Nur­sul­tan Ábishuly Nazarbaev óziniń kons­tıtý­sııalyq quqyǵyn jáne de tarıhı mıs­sııasyn tolyqtaı iske asyryp, Qa­zaq­stan Respýblıkasynyń Pre­zı­den­ti ókilettigin óz erkimen toq­tatty. Mundaı jaǵdaıda Qazaqstan Res­pýblı­kasy Konstıtýsııasy 48-ba­by­nyń 1-tarmaǵyna sáıkes Qazaq­stan Res­pýb­lıkasy Prezıdentiniń óki­lettigi qal­ǵan merzimge Parlament Se­natynyń Tór­aǵasy Qasym-Jomart Kemeluly To­qaevqa kóshedi. Qazaqstan Res­pýblıkasy Konstıtýsııasynyń 42-babyna sáıkes Qazaqstan Respýblıkasynyń Prezıdenti Qazaqstan halqyna ant bergen sátinen bastap qyzmetine kirisedi», dedi. 

Negizgi konstıtýsııalyq talap jet­­­ki­zilgen soń, oń qolyn Ata Zań­ǵa qoı­­ǵan Qasym-Jomart Toqaev: «Qa­zaq­­­stan halqyna adal qyzmet etýge, Qazaq­stan Respýblıkasynyń Kons­tı­­tý­sııasy men zańdaryn qatań saq­taý­ǵa, azamattardyń quqyqtary men bos­tan­dyqtaryna kepildik berýge, Qa­zaq­stan Respýblıkasy Prezıdentiniń ózime júktelgen mártebeli mindetin adal at­qarýǵa saltanatty túrde ANT ete­min», dedi. 

Budan soń elimizdiń kók baıraǵyna erin tıgizip, qurmetin kórsetti. Bul saltanatty rásim elimizdiń Ánuranynyń oryndalýyna ulasty. 

Asa qadirli Elbasy! Qurmetti Par­lament depýtattary, Úkimet músheleri! Qymbatty otandastar! 19 naýryzda, búkil álem jurtshylyǵy asa mańyzdy ta­rıhı oqıǵaǵa kýá boldy. Qazaq mem­lekettiliginiń negizin qalaǵan uly tulǵa, Qazaqstan Respýblıkasynyń Tuńǵysh Prezıdenti Nursultan Ábishuly Nazarbaev óz erkimen Memleket basshy­sy ókilettigin toqtatty. Elbasynyń bul mańyzdy sheshimi onyń jahandyq deńgeıde jáne tarıhı aýqymda tanylǵan saıası qaıratker retindegi ulylyǵyn kórsetti. Bul sheshim memleketimizdiń bolashaǵyna degen eń joǵarǵy shynaıy qamqorlyqtan týyndap otyr, dep bastady sózin Q.Toqaev. 

«Biz barlyq jetistikterimizge, eń aldymen Qazaqstan Respýblıkasynyń qasterli Táýelsizdigine Tuńǵysh Pre­­­zı­­dentimiz Nursultan Ábishuly Nazarbaevtyń qajyrly eńbeginiń arqa­synda qol jetkizdik. Elbasy Keńes Odaǵy kúı­regen tustaǵy asa kúrdeli geosaıa­sı jaǵdaıda jańa memlekettiń negizin qalap, onyń kóshin bastady. Kóptegen teris boljamǵa qaramastan, Nursul­tan Ábishuly elimizdi barsha álemge moıyndata bildi. Dúnıe júzi karta­synda damý men demokratııanyń, beı­bitshilik pen kelisimniń shynaıy sımvolyna aınalǵan memleket paıda boldy. Elbasymyz Qazaqstan tarıhynda tuńǵysh ret jańa memlekettik ınstıtýttardy qalyptastyrdy.

Olardyń qatarynda Prezıdenttik ınstıtýt, qos palataly Parlament, memlekettik qyzmet, qarýly kúshter, dıplomatııalyq qyzmet, sondaı-aq azamattyq qoǵam ınstıtýttary bar, dedi ári qaraı Memleket basshysy. 

Prezıdent sózin 1995 jyly Ata Za­ńymyz qabyldandy, dep jalǵastyrdy. Konstıtýsııaǵa engizilgen mazmundy ózgertýler bas qujatymyzǵa, shyn má­ninde, demokratııalyq sıpat berdi. El­basynyń basshylyǵymen Qazaqstanda ekonomıkany jańǵyrtýǵa baǵyttalǵan reformalar josparly túrde júzege asyryldy.

Sonymen qatar memlekettiń saıası júıesinde eleýli ózgerister boldy.

Qurylymdyq reformalar memleket damýynyń basty qozǵaýshy kú­shine aınaldy. Elbasynyń janynda uzaq jyldar boıy qyzmet etken adam retinde nyq senimmen aıtarym: Pre­zıdent ózi­niń eńbek jolyn bıik maqsatqa – halqy­myzdyń ál-aýqatyn arttyrýǵa arnaǵan birden-bir tulǵa bolyp sanalady. 

Q.Toqaev Nursultan Ábishuly Nazarbaevtyń qazirdiń ózinde álem ta­rıhyna asa kórnekti reformator retinde engenine nazar aýdardy. Ol Qazaq­standy álemniń eń básekege qa­biletti 50 eliniń tobyna engen zamanaýı, aldyńǵy qatarly memleketke transformasııalaı aldy. Onyń eko­nomıkalyq jáne saıası reformalary sarabdal memlekettik saıasattyń sımvolyna aınaldy. Sondyqtan sheteldik sarapshylar Elbasynyń reformalaryna «Qazaqstan joly» nemese «Qazaqstan modeli» degen ataý berdi. Elbasynyń reformalary Qazaqstandy ornyqty damý traektorııasyna shyǵardy. Qazaqstan Respýblıkasy barlyq ekonomıkalyq kórsetkishter boıynsha Ortalyq Azııa óńiriniń kóshbasshysyna aınaldy, bu­rynǵy keńestik keńistikte aldyńǵy oryndarǵa jaıǵasty, dedi Memleket basshysy.

Qasym-Jomart Kemelulynyń só­zin­she, Qazaqstan Ulttyq qorda iri qar­jy resýrstaryn shoǵyrlandyra aldy, bul daǵdarystyq jaǵdaılarda áleýmettik-ekonomıkalyq sıpattaǵy birinshi kezektegi mindetterdi sheshýge múmkindik beredi. Elbasy eko­nomıkaǵa ınvestısııa tartýdy baǵ­darǵa aldy. 

Sonyń arqasynda Qazaqstan Or­talyq Eýropany qosa alǵanda, búkil postsosıalıstik keńistikte jan basyna shaqqandaǵy tikeleı sheteldik ınves­tısııa kólemi boıynsha kósh bastady. Bizdiń elimizge 300 mıllıard dollardan astam tikeleı sheteldik ınvestısııa keldi. Nursultan Ábishuly Nazarbaev Táýelsizdiktiń alǵashqy jyldarynan bastap halyqtyń áleýmettik jaǵdaıyn jaqsartý úshin naryqtyq ekonomıkasy bar qýatty memleket qurý isine bilek sybana kiristi. Qıyndyqqa toly osy jolda ol teńdessiz tabystarǵa qol jetkizdi.

Elbasynyń ár Joldaýynda, ásirese 2018 jyldyń naýryz jáne qazan aılaryndaǵy Joldaýlarynda, sondaı-aq «Nur Otan» partııasynyń HVIII sezinde sóılegen sózinde el múddesin kózdegen shynaıy janashyrlyq kórinis tapty. El azamattaryna áleýmettik qoldaý kórsetýge arnalǵan bul qujattar basqa elderde balamasy joq biregeı sharalardy qamtıdy.

Memleketimiz barlyq halyq­tar men dinı konfessııalar arasyn­daǵy úılesimniń, kelisimniń, tolerant­tylyqtyń aýmaǵyna aınaldy. Ter­rıtorııasy jóninen álemdegi toǵy­zynshy eldegi berik beıbitshilik, ulttyq birlik halyqaralyq turaqtylyq pen qaýipsizdikti qamtamasyz etýdiń mańyzdy faktory bolyp sanalady. Táýelsizdiktiń araıly aq tańynda-aq biregeı ınstıtýt – Qazaqstan hal­qynyń Assambleıasy qurylǵan bolatyn. Álemdik dinderdiń, tilderdiń, máde­nıetter men dástúrlerdiń tarıhı sın­teziniń arqasynda Qazaqstanda beıbit­shilik pen kelisim saıası mádenıetimizdiń ajyramas bólshegine aınalǵan qoǵam qalyptasty. Elbasy jasaǵan beıbitshilik pen qoǵamdyq kelisim modeli qoǵamdy úılesimdi damytýdyń etalony retinde álemdik turǵyda moıyndaldy. 

Qazaqstan halqynyń ortaq tarıhı taǵdyry, sondaı-aq Táýelsizdiktiń arqasynda qol jetkizgen tabystarymyz «Máńgilik el» tujyrymdamasynda baıan­daldy, dep sabaqtady sózin Prezıdent. Bul qujatta barshaǵa ortaq maqsat, ortaq múdde, halqymyzdyń kemel keleshegi úılesim tapqan. Elbasynyń usynysymen ult birligin nyǵaıtý jolynda qýatty kúshke aınalǵan «Máńgilik el» patrıottyq aktisi qabyldandy. Táýelsizdik jyldarynda ulttyq usta­nymǵa adal, shynaıy súıispenshilik rýhynda tárbıelengen jas azamattardyń tutas bir býyny qalyptasty. Buǵan Elbasy júzege asyrǵan jastar saıa­satynyń, mazmuny biregeı «Rýhanı jańǵyrý» jáne «Uly dalanyń jeti qy­ry» atty maqalalarynyń yqpaly boldy. Elbasynyń qajyrly eńbeginiń arqasynda halqymyz tól tarıhynda tuńǵysh ret ózin týǵan jerdiń zańdy ıesi sezindi, barshamyzdyń júregimizdi Otan úshin maqtanysh sezimi kernedi.

Prezıdent «Qazaqstan-2050» Stra­te­­gııasy, «Nurly jol» Jańa eko­no­mıkalyq saıasaty, «100 naqty qadam» Ult jospary elimizdi jańǵyrtýǵa, Qazaqstannyń ekonomıkalyq áleýetin odan ári ny­ǵaı­týǵa baǵyttalǵanyna toqtalyp ótip, munyń halyqaralyq arena­daǵy turaq­syzdyq pen daǵ­darystar jaǵdaıynda asa mańyzdy bolyp otyrǵanyn kól­deneń tartty. Qa­zirgi Qazaqstan – na­ryqtyq ekonomıkasy qalyptasqan, demokratııalyq ári zaıyrly memleket. Elimizde jeke­menshik ınstıtýty ornyǵyp, orta tap­tyń jaǵdaıy jaqsardy jáne kásipkerlik qarqyndy damı tústi. Barlyq ózek­ti áleýmettik-ekonomıkalyq máse­leler ýaqtyly sheshimin taýyp keledi. Halyqaralyq naryqtardaǵy qar­jy-ekonomıkalyq daǵdarystarǵa qara­mastan, Qa­zaq­standa ekonomıkany refor­malaý men jańǵyrtý úrdisteri tabysty jal­ǵasýda. Indýstrııalyq qýat nyǵaıyp keledi. Ǵylymı ázirlenimder óndiriske engizilýde, ekonomıkany jáne qoǵamdyq ómirdi sıfrlandyrý júrgizilýde.

Elimizde «Bıznestiń jol kartasy», «Agrobıznes», «Jumyspen qamtý» sııaqty baǵdarlamalar júzege asyrylýda. Kezekte strategııalyq mańyzdy ınfraqurylymdyq jobalardy aıaqtaý jumysy tur. Bular – «Nurly jol» baǵdarlamasy, Batys Qytaı – Batys Eýropa, Transkaspıılik halyqaralyq kólik baǵyty. Qazaqstan is júzinde jahandyq mándegi kólik-logıstıkalyq habqa aınalyp keledi, bul onyń ekonomıkalyq áleýetin aıtarlyqtaı kúsheıtetin bolady. Qazaqstan álemdik bilim berý keńistiginde de laıyqty oryndy ıelendi. Bizdiń el eresekterdiń saýattylyq deńgeıi boıynsha Adam damýynyń ındeksi tiziminiń birinshi shıreginde tur. Qazaqstan adam damýynyń deńgeıi joǵary memleketter tobyna kirdi, dedi Q.Toqaev.

Qazaqstan Respýblıkasynyń Tuń­ǵysh Prezıdentiniń arqasynda «Bo­lashaq» baǵdarlamasy júzege asyry­­lýda, degen Memleket basshysy áleýeti aıryqsha «Nazarbaev Ýnıver­sı­tet» qurylyp, barlyq oblys ortalyq­tarynda zııatkerlik mektepter ashyl­ǵanyn atap kórsetti.

Elimizdiń ár óńirinde qazirgi kezeńniń talaptaryna saı zamanaýı mektepter salyndy. Myńdaǵan azamattarymyz shetelde jáne el ishinde sapaly joǵary bilim alý múmkindigine ıe boldy. Ult densaýlyǵy, densaýlyq saqtaý salasyn damytý jáne salamatty ómir saltyn qalyptastyrý Qazaqstannyń ekonomıkalyq jáne áleýmettik ilgeri­leýiniń mańyzdy faktorlaryna aınaldy. Halyqtyń densaýlyǵyna, adamdardyń ómir súrý jasyn uzar­týǵa, bala týý deńgeıine qatysty oń kór­setkishterge qol jetkizildi. Osy jetistiktiń bári Dúnıejúzilik densaýlyq saqtaý uıymy tarapynan moıyndaldy, dedi Prezıdent.

Nursultan Ábishuly Nazarbaevtyń bastamasymen iske asyrylǵan «Mádenı mura» baǵdarlamasy tól mádenıetimizdiń damýyna tyń serpin berdi.
Qoja Ahmet Iаsaýı kesenesi, «Tam­ǵaly» eskertkishteri jáne basqa da tarıhı nysandardyń IýNESKO-nyń dúnıejúzilik muralarynyń tizimine enýi halqymyz úshin aıryqsha mańyzy bar oqıǵa boldy.

Jańa elordamyzdyń boı kóterýine Tuńǵysh Prezıdentimizdiń sińirgen eńbegi erekshe. Astananyń qurylysy Elbasynyń tarıhı erligi sanalady. Bas qalamyz Táýelsiz elimizdiń shynaıy bet-beınesine, halqymyzdyń maqtanyshyna aınaldy. Elorda jańa memlekettiń ıdeo­logııasy retinde kıeli uǵymǵa ıe boldy. Astanamyz, shyn máninde, ótkenniń qundylyqtaryn dáripteı otyryp, kúlli álemge Qazaqstannyń jańa beınesin pash etti. Elordamyz sammıtter jáne basqa da mańyzdy halyqaralyq kezdesýler ótetin iri ortalyq retinde qalyptasty. 2017 jyly Astanada «Bolashaq energııasy» taqyrybyna arnalǵan EKSPO kórmesi ótti.

Osylaı deı kele Q.Toqaev Qazaq­stannyń óz ulttyq tarıhynda alǵash ret halyqaralyq kelisimdermen zańdyq negizde bekitilgen memlekettik shekarasyna ıe bolýy da Elbasynyń tarıhı eńbegi ekenin erekshe atady. Qazir ol tatý kórshilik pen yntymaqtastyqtyń shekarasy, bul da qazirgi zamanǵy geosaıası ahýalda aıryqsha mańyzdy. Nursultan Ábishuly Nazarbaev búkil álemge Eýrazııalyq ekonomıkalyq odaqty qurýdyń bastamashysy, Eýra­zııalyq ıntegrasııanyń shúbásiz jaq­taýshysy retinde tanyldy. Ol Táýelsiz Memleketter Dostastyǵy, Shanhaı ynty­maqtastyq uıymy, Azııadaǵy ózara is-qımyl jáne senim sharalary jó­nindegi keńes sııaqty bedeldi halyq­aralyq uıymdardyń bas­taýynda turdy. Elbasynyń arqasynda Astanada EQYU-nyń tarıhı sammıti ótti, Álemdik jáne dástúrli dinder kóshbasshylarynyń sezi, kóptegen ózge de halyqaralyq forýmdar turaqty negizde ótip turady. 

Qazaqstan jahandyq bitimgerlik prosesterdiń bedeldi, yqpaldy qaty­sýshysyna aınaldy, BUU Qaýipsizdik keńesine saılandy, ıadrolyq qarýdy taratpaý jáne qarýsyzdaný jónindegi jahandyq qozǵalystyń lıderi, sondaı-aq dinaralyq únqatysýdyń alǵaýsyz deldaly retinde álemge moıyndaldy. Biz, qazirgi jáne keleshek urpaq ókilderi, Elbasynyń saıası murasyn jadymyzdan shyǵarmaı, qadir tutyp, Nursultan Ábishuly Nazarbaevtyń tarıhı eńbegine laıyqty qurmet kórsetýimiz qajet. Elbasynyń halqymyzǵa jáne álemdik qoǵamdastyqqa sińirgen eren eńbegi men uly esimin máńgi este saqtaýymyz kerek. Bul halqymyzdy, ásirese jastardy tarıhqa qurmetpen qaraýǵa tárbıelep, Elbasynyń dańqty qyzmetin ádil baǵalaý úshin mańyzdy.

Uly zamandasymyzdyń, Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń esimin kelesideı sharalar arqyly máń­gilikke ulyqtaý qajet dep esepteımin, degen Prezıdent osyǵan qatysty óziniń birqatar usynysyn ortaǵa saldy. 

Bizdiń elordamyz onyń esimin ıe­lenip, Nursultan atalýy tıis. Mun­daı usynys parlamentshiler tarapynan Qazaqstan Respýblıkasynyń Táýel­sizdigine oraı 2016 jyly 23 qarashada qabyl­danǵan Deklarasııada aıtylǵan bolatyn. Memleketimizdiń elordasynda Qazaqstan Respýblıkasynyń Tuńǵysh Prezıdentiniń qurmetine monýment ornatý. Barlyq oblystyq qalalardyń ortalyq kóshelerin Nursultan Ábish­uly Nazarbaevtyń esimimen ataý. Elbasy memleketimizdiń eń joǵarǵy Halyq qaharmany jáne Eńbek Eri ataqtarymen marapattalýǵa laıyq ekenine bári kelisedi dep oılaımyn. Elbasyna sondaı-aq Qurmetti senator mártebesin de berý kerek. Tuńǵysh Pre­zıdent – Elbasy beınelengen bar­lyq portretter men fotosýretter qoǵamdyq oryndardyń, memlekettik qyzmetshiler kabınetiniń, oqý oryndary ǵımarattarynyń ajyramas atrıbýty retinde qalady. Elbasynyń búkil ómir-tirshiligi Tuńǵysh Prezıdent – Elbasy týraly zańǵa jáne basqa da zańnamalyq aktilerge sáıkes qamta­masyz etiledi. Elbasynyń barlyq qyz­met­tik ınfraqurylymy saqtalady. Bul rette, Parlament qabyldaǵan zańdarǵa sáıkes, Nursultan Ábishuly Nazarbaev elimizdegi jalǵyz ári ómirlik Elbasy bolyp qalatynyn qaperge alý qajet, dedi Q.Toqaev. 

Tuńǵysh Prezıdent – Elba­synyń sondaı-aq Qaýipsizdik Keńe­siniń Tór­aǵasy, «Nur Otan» partııa­synyń Tór­aǵasy, Qazaqstan halqy Assam­bleıa­synyń Tóraǵasy, Konstıtýsııalyq Keńes­tiń múshesi bolyp tabylatynyna nazar aýdaryldy. Elbasynyń bedel­di pikiri strategııalyq sıpattaǵy she­shim ázirleý men qabyldaý kezinde aı­ryqsha, basymdyqty mánge ıe bolady. Osylaısha biz bılikti tynysh, qaq­­tyǵyssyz jaǵdaıda ótkizýdi júzege asy­ramyz, bul ishki turaqtylyqty jáne Qazaqstannyń halyqaralyq bede­lin nyǵaıtýdy qamtamasyz etýdiń qýat­ty faktory bolady. Halqymyzdyń joǵary saıası mádenıeti, onyń erekshe danalyǵynyń taǵy bir kórinisi osydan kórinbek. Bul – bolashaq urpaq úshin de jaqsy ónege. 

Búgin, osy joǵary minberden ózim­niń saıası ustazym Nursultan Ábish­uly Nazarbaevqa álemdik damýdyń kúr­deli kezeńinde el Prezıdenti retinde mem­leketti basqarýyma zor senim artqany úshin shyn júrekten Alǵys aıtamyn, dedi sóziniń sońynda Q.Toqaev. Aldaǵy mıssııamnyń jaýapkershilik aýqymyn tolyq sezine otyryp, óz bilimim men tájirıbemdi Elbasynyń strategııalyq baǵytynyń sabaqtastyǵyn jan-jaqty qamtamasyz etýge baǵyttaýdy josparlap otyrmyn. Barshamyzǵa ortaq maqsat – Elbasynyń basty saıası jáne tarıhı murasy – memleketimizdiń Táýelsizdigin saqtaý jáne nyǵaıtý.

Prezıdenttik ókilettiginen óz er­ki­men bas tartý arqyly Nursultan Ábish­uly Nazarbaev demokratııalyq qundy­lyqtarǵa adal uly saıasatker retinde búkil álemge óziniń memlekettik danalyǵyn taǵy da kórsetti. Ol dál osy qasıetimen otandyq jáne álemdik tarıhqa enip otyr. Memleketimizdiń damýyndaǵy osy bir mańyzdy sátte qoǵam órkendeýshi, demokratııalyq, ádiletti Qazaqstan qurylysyn ári qaraı jalǵastyrý ıdeıasy tóńireginde tutasýy tıis.

Aldymyzda el bolashaǵy úshin atqa­rylatyn aýqymdy ári kúrdeli ju­mystar tur. Barlyq kúsh-jigerimdi, bilimimdi Qazaqstan ıgiligine jumsaýdy, halqymyzǵa adal qyzmet etýdi bas­ty mindet sanaımyn. Osy zaldaǵy depý­tat­tarǵa, Úkimet múshelerine, memlekettik qyz­metshilerge, jurtshylyq pen buqa­ralyq aqparat quraldarynyń ókil­deri­ne, dıplomatııalyq korpýsqa túsinistik men qoldaýlary úshin alǵys aıtamyn. 

Memleket basshysy sózin: Asa qadirli Elbasy! Qurmetti qaýym! Meniń Qazaq­stan Respýblıkasynyń Prezıdenti laýaz­y­myndaǵy birinshi sheshimim – «Qazaq­stan Respýblıkasynyń Tuńǵysh Pre­zıdenti – Elbasy týraly» Kons­tı­týsııalyq zańǵa jáne «Memlekettik nag­radalar týraly» Zańǵa sáıkes táýel­siz Qazaqstandy ornatýǵa qosqan tarı­hı úlesi, ekonomıkalyq jáne áleý­­met­tik-gýmanıtarlyq damýǵa, Qazaq­stan qoǵamyn toptastyrýǵa sińir­gen asa zor eńbegi úshin Qazaqstan Res­pýblıkasynyń Tuńǵysh Prezıdenti – El­basy Nursultan Ábishuly Nazarbaev­qa Aıryq­sha erek­shelik bel­gisi – «Al­tyn jul­dyz» ordenin tapsyra otyryp, «Ha­lyq Qaharmany» ataǵyn beremin, dep qorytty. 

Rásim barysynda Qazaqstan Res­pýb­­lıkasynyń Tuńǵysh Prezıdenti – Elbasyna «Halyq Qaharmany» ataǵy berilip, «Altyn juldyz» aıryqsha bel­gisi tabys etildi.

Serik ÁBDIBEK,

«Egemen Qazaqstan»