Applıkasııa ataýy latynnyń «qıystyrý», «jabystyrý» degen sózimen sabaqtasyp jatyr. Sýret túrinde oryndalǵan applıkasııa túri erterekte grek ónerinde paıda bolǵan desedi. Búginde qaı halyqtyń mádenıetinde de bul ónerdiń alatyn orny erekshe. Kózge jylylyq uıalatatyn ásem shyǵarmany keıipteýge Merýert aıǵa jýyq ýaqyt jumsapty. Bir qaraǵanda op-ońaı sekildi kóringenmen, árbir dándi túsine saı úılesimdi etip kenep betine ornalastyrý asqan tózimdilik pen uqyptylyqty qajet etedi. On alty jastaǵy stýdenttiń sýret ónerine degen qyzyǵýshylyǵy zor. Asburshaq, kúrish, júgeri, qaraqumyq, káknár, jasymyq, másh sekildi alýan tústi daqyldar kartınanyń ajaryn asha túsken. Baıqaýǵa qatysqan alpystan astam shyǵarmanyń ishinen dara shyqqan týyndysyn tálimger «О́mir nári» dep atapty.
«Baıqaýǵa Germanııa, Reseı elderinen kelgen mamandar qazylyq jasady. Ustazym Janar Ermekqyzy osynaý aıryqsha salanyń qyr-syryna baýlyp keledi. Búginde kondıter mamandyǵy boıynsha bilim alamyn. Bolashaqta úlken kondıter bolýdy armandaımyn. Qazaqtyń ulttyq taǵamdarynyń álemdik brendke aınalýyna óz úlesimdi qossam deımin. Qosymsha mundaı óner túrimen aınalysý maǵan shabyt syılaıdy ári qanattandyrady. Eńbegimniń baǵalanǵanyna qýanyshtymyn», – deıdi Merýert Shaıyh.
Arman OKTIаBR,
«Egemen Qazaqstan»
ALMATY
