Sessııany Jambyl oblystyq máslıhatynyń hatshysy Baǵlan Qarasholaqov júrgizip otyrdy. Atalǵan usynys Taraz qalasy ákimdigi men máslıhatynyń birlesken sheshimi negizinde joldanǵan. Osyǵan oraı, Jambyl oblysynyń ákimdigi men máslıhatynyń birlesken sheshimi oblystyq Qoǵamdyq Keńespen kelisilgen.
Egemen elimizdiń tarıhynda Nursultan Nazarbaevtyń eńbegi ólsheýsiz. Elbasyǵa degen eldiń qurmeti, halyqtyń qoshemeti eshqashan tolastaǵan emes. Endi budan bylaı Tarazqalasynda alty shaqyrymdy quraıtyn Nursultan Nazarbaev kóshesi paıda boldy. Jańa dańǵyldyń boıynda QR Tuńǵysh Prezıdenti saıabaǵy, «Máńgilik El» monýmenti, Qaırat Rysqulbekov atyndaǵy saıabaq, «Dostyq» alańy, ortalyq meshit sııaqty birneshe nysandar ornalasqan. Al, kóne shahardaǵy Tashkent kóshesi Tóle bı atymen qaıta atalady.
Hamıt Esaman,
«Egemen Qazagstan»
Jambyl oblysy
