Men de barsha qazaqstandyqtar sekildi aralas sezimdi bastan keship otyrmyn. Bir jaǵynan Tuńǵysh Prezıdentimizdiń ókilettigin toqtatqanyna ókinish bolsa, ekinshi jaǵynan Elbasynyń erligi men danalyǵyna ólsheýsiz qurmet sezimi bar Nursultan Ábishulynyń bul mańyzdy qadam jóninde neshe kún, neshe saǵat oılanǵanyn bilmeımiz. Biraq bizdiń Elbasy únemi halyq pen el múddesine qajet sheshim qabyldaıdy. Sondyqtan Tuńǵysh Prezıdent saıasatynyń jalǵasýyn qamtamasyz etý qajet. Bul Tuńǵysh Prezıdentke jáne onyń qyzmetine degen ólsheýsiz qurmetti bildiredi. Sonymen birge Elbasy Qaýipsizdik Keńesiniń Tóraǵasy, Partııa Tóraǵasy jáne Konstıtýsııalyq Keńes múshesi retinde el damýynda mańyzdy ról atqara bermek. Halyqtyń ál-aýqatyn jaqsartý – Nazarbaevtyń basty jetistikteriniń biri. Tuńǵysh Prezıdent únemi halyqtyń ómir súrý sapasyn jaqsartýǵa, jastardy qoldaýǵa, kóp balaly otbasylarǵa kómektesýge, bilim men densaýlyq saqtaý salalaryn damytýǵa erekshe kóńil bóldi. Myńdaǵan jas «Bolashaq» baǵdarlamasymen álemniń úzdik oqý oryndaryn támamdady. Bul – Elbasynyń zamanaýı Qazaqstandy qurýǵa degen zor úlesi.
Búgingi tarıhı sátte halqymyz birlik pen yntymaqta bolýy tıis. Bizdi alda elimizdiń damýy men turǵyndardyń ómir súrý sapasyn jaqsartýǵa baǵyttalǵan kóptegen mindetterdi júzege asyrý kútip tur. Qazaqstandyq joldyń jalǵastyǵy men Otanymyzdyń ári qaraı gúldenýi – ózimizge baılanysty.
Máýlen ÁShIMBAEV,
«Nur Otan» partııasy Tóraǵasynyń birinshi orynbasary
