Qos komandanyń arasyndaǵy buǵan deıingi oıyndardyń esebi 3:1 edi. Alda – «Avangard». Sol sebepti de Astanada ótken kezdesýde jerlesterimiz jeńiske jetýge tıis edi. Alǵashqyda bizdiń jigitter básekeni qarqyndy bastady. Birinshi kezeńniń ortasy men ekinshi kezeńniń basynda Mettıý Fettın eki gol soǵyp, «Barys Arenaǵa» jınalǵan 10 320 kórermendi qýantty.
Alaıda odan keıin astanalyqtar bilgenderinen jańyldy. Qonaqtar «qaharyna mindi». 24 pen 45 mınýttar aralyǵynda «Avangard» qatarynan bes shaıba soǵyp, qazaqstandyq jankúıerlerdiń jeńiske jetsek degen úkili úmitimizdi úzdi. Bul goldardyń avtorlary – Nıkıta Pıvsakın, Kırıll Petrov, Teılor Bek, Sergeı Shıroko jáne Maksım Chýdınov. Osy matchtaǵy sońǵy goldy «Barystyń» oıynshysy Nıkıta Mıhaılıs soqty. Esep – 3:5.
Osylaısha, «Barys» Gagarın kýbogy jolyndaǵy jarysty ekinshi kezeńde aıaqtady, Al «Avangard» jartylaı fınalǵa joldama aldy.
Ǵalym SÚLEIMEN,
«Egemen Qazaqstan»
