О́z otanyn ǵana emes, Reseı, Qytaı, Amerıka, Fransııa, Ulybrıtanııa jáne basqa da elderdi ónerimen tánti etken qazaqstandyq oryndaýshy týraly NTV telearnasynda "Sentralnoe televıdenıe" baǵdarlamasynda sıýjet kórsetildi.
Baǵdarlama stýdııasynda Dımash "Mademýazel Haıd" (Mademoiselle Hyde) jańa kompozısııasyn shyrqady, ony buryn kanadalyq ánshi Lara Fabıan oryndaǵan. Mýzyka avtory - Igor Krýtoı. Ol "án jazýǵa shabyt beretin mundaı oryndaýshyny burynnan izdegenin" málimdegen. "Lara Fabıan: "Ol ǵaryshtan kelgen bala" dep aıtqan, - dedi kompozıtor.
Dımashtyń ózi báriniń baqytty jáne uzaq ómir súrgenin, álemde mahabbat ornaýyn qalaıtynyn aıtqan. Sondaı-aq, "Igor Iаkovlevıchten kóbirek án alǵym keledi", - dedi ol.
BAQ ókilderiniń aqparaty boıynsha, Máskeýdegi Dımash Qudaıbergenniń konsertine álemniń 50-den astam elinen jankúıerler kelgen. Kórermender arasynda reseılik premer-mınıstrdiń jary Svetlana Medvedeva, Qazaqstannyń Reseıdegi elshisi Imanǵalı Tasmaǵanbetov, Qazaqstannyń mádenıet jáne sport mınıstri Arystanbek Muhamedıuly jáne qazaqstandyq jáne reseılik estrada juldyzdary boldy.
Konsert anshlagpen ótti. Jelide qazaqstandyq ánshiniń Kremlde kórsetken óneriniń tolyq vıdeosy paıda boldy.
