QAZAQSTANDYQ TÁJIRIBEGE QYZYǴÝShYLYQ

Mádenıet jáne aqparat mı­nıs­tr­liginde Jeneva qalasynda Násil­dik kemsitýshiliktiń barlyq túrin joıý týraly halyqaralyq tujy­rym­damany júzege asyrý baǵy­tyn­da Qazaqstan daıyndaǵan 4 jáne 5 birlesken esep berý baıan­damasyn qorǵaý qory­tyn­dy­syna arnalǵan baspasóz máslıhaty uıymdas­ty­ryl­dy. Jenevadaǵy atalǵan sharaǵa Qazaqstan halqy Assambleıasynyń, Adam quqyqtary týraly ulttyq ortalyqtyń, Syrt­qy ister, Máde­nıet jáne aqparat, Bilim jáne ǵy­lym, Eńbek jáne halyqty áleý­met­tik qorǵaý, Ishki ister, Densaýlyq saqtaý jáne Ádilet mınıstr­lik­teriniń ókilderi men elimizdiń Bas prokýratýrasy jáne Joǵarǵy Sot qyzmetker­le­rinen turatyn delegasııa qatysyp qaıtypty. Jýrnalısterge arnalǵan bas­pa­sóz máslıhatynda osy dele­gasııa­nyń jetekshisi, Mádenıet jáne aq­pa­rat vıse-mınıstri Ǵazız Tele­baev Jenevada ótken BUU-nyń Kem­­sitýshilikke qarsy komı­tetinde uıymdastyrylǵan jıyn­da­ǵy esep-baıandamanyń qorǵalý ba­rysy, son­daı-aq memlekettik or­gandardyń kon­vensııadaǵy ereje­lerdi júzege asyrý baǵytynda at­qaryp jatqan jumystary jóninde keńinen málimet berdi. BUU Násildik kemsitýshiliktiń bar­lyq nysandaryn joıý týraly komıtet sarapshylary elimizdiń etnos­aralyq qatynastar salasyn­da­ǵy memlekettik saıasatyna, Qa­zaq­stan halqy Assambleıasynyń jumys tájirıbesi men onyń barlyq et­nos­tyq toptardyń quqyqtaryn qam­ta­masyz etýdegi róline, elde turatyn barlyq azamattardyń azamattyq, saıası, áleýmettik, ekonomıkalyq jáne mádenı quqyqtaryn qamta­masyz etýge baǵyttalǵan is-sharalarǵa joǵary baǵa bergen. “Bizge berilgen eń basty baǵa – etnosaralyq qatynastardy rettep, jaqsy jolǵa qoıýda nemese adam­dar­dy násiline, ultyna qaramaı qor­ǵaýda elimizdiń durys saıasat ustanyp otyrǵandyǵy”, dedi Ǵ. Telebaev. Vıse-mınıstr son­daı-aq ko­mıtet múshelerimen kezdesý ke­zinde “Nege kóptegen elderde násil­dik kemsitýshilikke qatysty jeke zań joq?” degen saýaldyń týyn­da­ǵa­­nyn atap ótti. “Bizde Konstı­tý­sııadan bastap túrli zańdarda ná­sildik kemsitý­shilikke qatań tyıym salynǵan. Mundaı jaǵdaı oryn alǵan kúnde de tıisti jaýapker­shi­likke, onyń ishinde qylmystyq jaýapkershilik­ke tartý kózde­letin­digi belgili. Mine, osylardyń barlyǵy jan-jaqty túsindirildi”, dedi vıse-mınıstr. Derek kózi: Láıla EDILQYZY.