«Úkimet qaýlysymen Ǵalymjan Telmanuly Qoıshybaev Premer-Mınıstr Keńsesiniń basshy bolyp taǵaıyndaldy», — dep habarlady Premer-Mınıstr.
A. Mamın Ǵ. Qoıshybaevtyń Prezıdent Ákimshiliginde jáne Syrtqy ister mınıstrligi júıesinde — elshi, mınıstrdiń orynbasary bolyp kóp jyldar boıy eńbek atqarǵanyn atap ótip, jańa qyzmette sáttilik tiledi.
Eske sala keteıik, buǵan deıin QR Premer-Mınıstri Keńsesiniń basshysy laýazymyn atqarǵan D. Káletaev Prezıdenttiń Jarlyǵymen QR Prezıdentiniń Ákimshiligi Basshysynyń birinshi orynbasary bolyp taǵaıyndaldy.
Ǵ. Qoıshybaev 1968 jyly Qyzylorda qalasynda dúnıege kelgen. M.V. Lomonosov atyndaǵy Máskeý memlekettik ýnıversıtetetin támamdaǵan. 1995–2004 jyldary Qazaqstan Respýblıkasynyń Reseı Federasııasyndaǵy Elshiliginiń attashesi, úshinshi hatshysy, birinshi hatshysy, keńesshisi, Keńesshi-Ýákili bolyp qyzmet etken.
2004 jyly — Qazaqstan Respýblıkasynyń Ujymdyq qaýipsizdik týraly sharty uıymynyń janyndaǵy О́kiletti ókili bolǵan. 2004–2006 jyldary — Qazaqstan Respýblıkasy Prezıdenti Ákimshiliginiń Bas ınspektory. 2006–2008 jyldary — Qazaqstan Respýblıkasy Syrtqy ister mınıstrliginiń erekshe tapsyrmalar jónindegi Elshisi. 2008–2012 jyldary — Qazaqstan Respýblıkasynyń Lıtva Respýblıkasyndaǵy Tótenshe jáne О́kiletti Elshisi, Qazaqstan Respýblıkasynyń Latvııa Respýblıkasyndaǵy, Estonııa Respýblıkasyndaǵy jáne Fınlıandııa Respýblıkasyndaǵy Tótenshe jáne О́kiletti Elshisi (qosa atqarýshy). 2012–2016 jyldary — Qazaqstan Respýblıkasynyń Fınlıandııa Respýblıkasy men Estonııa Respýblıkasyndaǵy Tótenshe jáne О́kiletti Elshisi (qosa atqarýshy). 2016 jyldan bastap — Qazaqstan Respýblıkasy Syrtqy ister mınıstriniń orynbasary qyzmetin atqarǵan.
