Onda turǵyndar Nursultan Nazarbaevtyń elge sińirgen eńbegin, alysty kóretin saıasatker ekenin aıtty. Ásirese, aǵa býyn ókilderi elimizdiń Táýelsizdik alǵannan keıingi aýyr jyldardan aman shyǵyp, damýdyń jolyna túskenimizdi tilge tıek etti. Olar osydan 30 jyl burynǵy ýaqyt pen búginimizdi salystyrýǵa kelmeıtinin, álemniń kóptegen elderinen jaǵdaıymyzdyń eshqandaı kem emestigin aıtty. Sondyqtan Elbasynyń ózini ósirgen qalasyna – elordamyzǵa onyń atyn berý óte jarasymdy ekenin kópshilik qoldady.
«Men astananymyzdyń aty ózgergenin qýana qoldaımyn. Bul Elbasy eńbegine berilgen ádil baǵa dep bilemin. Sol kisiniń arqasynda elimiz soǵyssyz, beıbit ómirde ómir súrip kelemiz, áleýmettik jaǵdaıymyzdyń da jaqsarǵanyn ardagerler de, jastar da aıtyp jatyr» dedi «Nur Otan» patııasy Taran aýdandyq fılıaly tóraǵasynyń orynbasary Aınash Dadanova.
Mundaı jyly, shynaıy pikirler ózge aýdandarda ótken aksııalarda da kópshiliktiń aýzynan kóp estildi.
Názıra Járimbet,
«Egemen Qazaqstan»
Qostanaı
