Áńgimelesý barysynda Germanııa Kansleri Angela Merkel Nursultan Nazarbaevtyń Qazaqstan Respýblıkasynyń Prezıdenti ókilettigin toqtatý týraly sheshimin zor qurmetpen qabyl alǵanyn aıtty.
Angela Merkel táýelsiz Qazaqstannyń jetistikteri Elbasynyń esimimen tikeleı baılanysty ekenin, sondaı-aq onyń halyqaralyq arenadaǵy bedelin, álemdegi qaýipsizdik pen turaqtylyqty qamtamasyz etýdegi jemisti kúsh-jigerin atap ótti.
Germanııa kóshbasshysy dostyq pen senimge negizdelgen Qazaqstan-Germanııa yntymaqtastyǵynyń qalyptasýyna jáne nyǵaıa túsýine Nursultan Nazarbaevtyń qosqan úlesin erekshe baǵalady.
Angela Merkel Qazaqstannyń Tuńǵysh Prezıdentine zor densaýlyq, sondaı-aq halyqtyń ıgiligi jolyndaǵy aldaǵy qyzmetine tabys tiledi.
Taraptar turaqty baılanystaryn jalǵastyra berýge ýaǵdalasty.
