Týrnır sporttyń boks jáne kıkboksıng túrlerinen sport sheberleri marqumdar Marat Begejanov pen Asylhan Busyrmanovty eske alýǵa arnaldy. Bul týrnırde ár jyldary kóptegen qazirgi belgili sportshylar kúsh synasqan bolatyn. Qazir olar jattyqtyrýshy bolyp isteıdi, osyndaı jarystarǵa óz shákirtterin baýlyp ákeledi. Al Vasılıı Levıt álemdik arenalarda elimizdiń atyn shyǵaryp júr. Bıylǵy chempıonatqa elimizdiń barlyq shalǵaıynan 300-den astam sportshy keldi.
«Mundaı jarystar sporttyń damýyna serpin beredi. Kıkboksıng jastar arasynda keń taraǵan sport túri, mundaı sharalardyń mańyzy Jastar jyly arta túsedi» dedi oblys ákiminiń orynbasary Marat Júndibaev.
Ol týrnırge kelgen sportshylarǵa tabys tiledi. Chempıonat 30 naýryzda aıaqtalady.
Názıra Járimbet,
«Egemen Qazaqstan»
Qostanaı
