Bul kúnderi óńirde atalǵan dertpen aýyratyn 792 adam dıspanserlik esepte tur.
Bıyl týberkýlez dertimen aýyrǵandardy emdeý men saýyqtyrýǵa 2 mlrd teńgeden astam qarjy qarastyrylǵan, onyń ishinde 320 mıllıon teńge dári-dármekpen qamtamasyz etýge jumsalady.
О́ńirlik «Medısınalyq saqtandyrý qory» fılıalynyń dırektory Aıdar Seıitqazınovtyń aıtýynsha, jalpy, qoldanystaǵy emdeý kólemi boıynsha bir naýqasqa aıyna 220 215 teńge bólinedi. Bul medısınalyq qyzmetterdiń sapasyn arttyrýǵa múmkindik beredi.
Iаǵnı, der kezinde anyqtalyp, tıisti em-dom jasalsa týberkýlez aýrýyn tolyq emdep jazýǵa bolady. Sondyqtan aýrýdy asqyndyrmaı, emdeýshi dárigerdiń nusqaýlaryn oryndaýdyń mańyzy zor deıdi dárigerler.
Al, Dúnıejúzilik densaýlyq saqtaý uıymynyń málimetinshe, 2000 jáne 2016 jyldar aralyǵynda týberkýlezdi erte anyqtaý men emdeý nátıjesinde álem dárigerleri 53 mıllıonnan astam adamnyń ómirin saqtap qalǵan.
Týberkýlezdiń qarapaıym túrin emdeýge shamamen 6 aıǵa jýyq ýaqyt ketedi. Qazirgi kezdegi medısınadaǵy jańashyldyqtar bul derttiń jabyq túrimen aýyratyn naýqastardyń da emhanada ambýlatorlyq em qabyldaýyna múmkindik beredi.
Farıda BYQAI,
«Egemen Qazaqstan»
PAVLODAR
