«Shekarashylar Memleketke keltirilýi múmkin 100 000 000 teńgege jýyq shyǵynnyń aldyn aldy. Jalpy, shekarashylar ótken eki aıda ǵana memleketke balyq boıynsha 300 mıllıonǵa jýyq teńge zııan keltirýdiń aldyn aldy. Brakonerlerden 6,5 mıllıon teńgeniń qural-jabdyqtaryn tárkiledi», delingen habarlamada.
2019 jyldyń ótken eki aıynda (1 qańtardan 28 aqpanǵa deıin) teńizdegi shekaralyq keńistikti kúzetý mindetterin oryndaý jáne shekaralyq quqyq buzýshylyqtyń aldyn alýǵa baǵyttalǵan sharalardy atqarý barysynda jalpy kólemi 87 911 metr brakonerlik qural-jabdyqtar (15 311 metr ártúrli aýlar, 72 600 metr kollada) tárkilenip, jalpy salmaǵy myń kılogrammǵa jýyq bekire tuqymdas jáne baǵaly tuqymdy balyqtar qutqarylyp, qaıtadan teńizge jiberilgen bolatyn.
Eki aıda atqarylǵan sharalardyń nátıjesinde shekarashylar memleketke 293 mıllıon teńge zııan keltirýdiń aldyn aldy. Brakonerlerden 6,5 mıllıon teńgeniń qural-jabdyqtary tárkilendi.
Teńiz shekarashylary teńiz baılyǵyna, sýdaǵy bıologııalyq qorǵa sýyq qoldaryn suǵýshylarmen kúresti ymyrasyz jalǵastyra beredi.
