Is-sharaǵa Ulytaý oblysynyń ákimi Dastan Ryspekov, memlekettik organdar ókilderinen quralǵan Ulytaý oblysynyń delegasııasy, sondaı-aq qytaılyq jáne otandyq kompanııalardan 100-ge jýyq ókil qatysty.
Forým aıasynda Ulytaý oblysynyń ınvestısııalyq áleýeti, yntymaqtastyqtyń negizgi baǵyttary jáne óńirdiń perspektıvaly ınvestısııalyq jobalary tanystyryldy. О́nerkásipti, turǵyn úı-kommýnaldyq ınfraqurylymdy jáne agroónerkásiptik keshendi damytýǵa erekshe nazar aýdaryldy. Sondaı-aq, G2B jáne B2B formattarynda kezdesýler ótti.
Ulytaý oblysynda bás tikken sheneýnikter jumysynan bosatyldy
Forým qorytyndysy boıynsha jalpy quny 12,5 mıllıard teńgeni quraıtyn yntymaqtastyq týraly alty memorandýmǵa qol qoıyldy.
Qujat kelesi baǵyttar boıynsha birlesken jobalardy iske asyrýdy kózdeıdi:
Jezqazǵan, Sátbaev jáne Qarajal qalalaryndaǵy turǵyn úılerdi qaıta jańǵyrtý;
metallýrgııalyq shlaktardy qaıta óńdeý;
sút-taýar fermasyn salý.
Ulytaý oblysynyń ákimi: «Biz ınvestorlar úshin qolaıly jaǵdaı jasaýǵa daıynbyz. Búginniń ózinde birqatar kompanııa Ulytaý oblysy aýmaǵynda ınvestısııalyq jobalardy iske asyrýǵa daıyn», dep óńirdiń joǵary ınvestısııalyq áleýetin jáne halyqaralyq yntymaqtastyqqa ashyqtyǵyn atap ótti.
Ulytaý oblysy
