Atap aıtar bolsaq, Ispanııa Koroli Felıpe óziniń jedelhatynda Qasym-Jomart Toqaevqa shynaıy quttyqtaýyn jetkizip, Ispanııanyń Qazaqstanmen aradaǵy jan-jaqty yntymaqtastyqty nyǵaıtýǵa jáne eki jaqty baılanystardy tereńdetýge nıetti ekenin aıtqan.
Saýd Arabııasynyń Koroli Salman ben Ábdel Ázız Ál Saýd Qasym-Jomart Toqaevtyń Qazaqstan Respýblıkasynyń Prezıdenti laýazymyna kirisýimen quttyqtap, dostas Qazaqstan halqyna baq-bereke tiledi. Sondaı-aq Qazaqstannyń ósip-órkendeı berýine nıettestik bildirdi.
Túrkııa Respýblıkasynyń Prezıdenti Rejep Taııp Erdoǵan jeke óziniń jáne barsha Túrkııa halqynyń atynan Qasym-Jomart Toqaevty Qazaqstan Respýblıkasynyń Prezıdenti laýazymyna kirisýimen quttyqtady.
«Siz Prezıdenttik mandatyńyzdyń kezinde dostas ári baýyrlas eki halyq arasyndaǵy qol jetkizilgen tabysty qarym-qatynastar saqtalyp, odan ári tereńdeı túsetinine kámil senemin», – dep atap ótken Rejep Taııp Erdoǵan.
AQSh-tyń Memlekettik hatshysy Maıkl Pompeo óziniń quttyqtaý jedelhatynda Qazaqstannyń osyndaı tarıhı sátte damýdyń konstıtýsııalyq qaǵıdattaryn qatań saqtaıtynyn taǵy da dáleldegenin atap ótken.
«Amerıka Qurama Shtattary Qazaqstanmen seriktestikti nyǵaıtýdy kózdeıdi jáne árdaıym elderińizdiń egemendiginiń, táýelsizdigi men shekaralyq tutastyǵynyń saqtalýyn qoldaıdy. Qazaqstannyń qaýipsizdigin Sizben birlese qamtamasyz etip, órkendetý úshin belsendi jumys atqarýdy asyǵa kútemiz», – delingen jedelhatta.
Belarýs Respýblıkasynyń Prezıdenti Aleksandr Lýkashenko eki eldiń jan-jaqty tabysty yntymaqtastyǵy aldaǵy ýaqytta da strategııalyq seriktestik pen senim negizinde damı beretinine senim bildirdi.
«Belorýste Sizdi Qazaqstan halqynyń zor qurmetine ıe bolǵan dana memleket qaıratkeri retinde biledi», – dedi Aleksandr Lýkashenko.
Japonııa Úkimeti men halqynyń atynan Premer-Mınıstr Sındzo Abe de quttyqtaý hatyn joldady. Ol óziniń hatynda Qazaqstan men Japonııa arasyndaǵy ózara yqpaldastyqtyń mańyzdylyǵyn aıtyp, Qazaqstan Respýblıkasynyń óńirlik jáne halyqaralyq máselelerdegi strategııalyq róline toqtalǵan.
«Qazaqstanmen birlesip, 2004 jyly Siz bastamashylyq etken «Ortalyq Azııa + Japonııa» dıalogy aıasynda óńirlik yntymaqtastyqty damytý jumystaryn jalǵastyrýǵa nıettimiz», – delingen jedelhatta.
Koreıa Respýblıkasynyń Prezıdenti Mýn Chje In óz quttyqtaýynda Qazaqstan Koreıanyń Ortalyq Azııadaǵy eń iri saýda-ınvestısııalyq seriktesi ekenine toqtalyp, Qazaqstan Respýblıkasymen jan-jaqty yntymaqtastyq ornatý búkil Eýrazııa aýmaǵyndaǵy ornyqty damýdyń negizi sanalatynyn aıtqan.
Sonymen qatar, óziniń quttyqtaýyn Fınlıandııa Respýblıkasynyń Prezıdenti Saýlı Nıınıstıo de joldaǵan.
«Fınlıandııa men Qazaqstandy tabysty qarym-qatynastar baılanystyrady. Munda saýda jáne ekonomıka salasyndaǵy belsendi seriktestik mańyzdy ról atqaryp otyr. Biz eki jaqty jáne halyqaralyq kún tártibindegi keń aýqymdy máseleler boıynsha yntymaqtastyqty odan ári nyǵaıta túsýge ázirmiz», – delingen jedelhatta.
Mońǵolııa Prezıdenti Haltmaagıın Battýlga óziniń quttyqtaý hatynda Qazaqstan men Mońǵolııanyń ózara yqpaldastyǵynyń deńgeıi joǵary ekenin atap ótip, halyqtarymyz arasyndaǵy dostyq baılanystardy odan ári keńeıtýge jáne damytýǵa nıetti ekenin jetkizgen.
Aýǵanstan Islam Respýblıkasynyń Prezıdenti Muhammed Ashraf Ǵanı óziniń quttyqtaýynda Qazaqstan Prezıdentine júktelgen asa jaýapty mıssııanyń mańyzdylyǵyn jáne eki jaqty qarym-qatynasty damytý úshin áleýettiń zor ekenin atap ótken.
Birikken Arab Ámirlikteriniń Prezıdenti Halıfa ben Zaıd Ál Nahaıan, Vıse-prezıdent, Birikken Arab Ámirlikteriniń Premer-Mınıstri, Dýbaıdyń bıleýshisi Muhammed ben Rashıd Ál Maktým, Saýd Arabııasy Koroldigi Mınıstrler keńesi tóraǵasynyń orynbasary, qorǵanys mınıstri, taq murageri Muhammed ben Salman ben Abdýlázız Ál Saýd, Abý Dabıdyń taq murageri, Birikken Arab Ámirlikteriniń Qarýly Kúshteri Joǵarǵy Bas qolbasshysynyń orynbasary Muhammed ben Zaıd Ál Nahaıan ózderiniń quttyqtaý hattarynda ekijaqty qatynastardyń odan ári damı túsetinine úmit artatynyn aıtyp, Qasym-Jomart Toqaevtyń qyzmetine tabys jáne dostas Qazaqstan halqyna baq-bereke tilegen.
Aýǵanstan Islam Respýblıkasynyń atqarýshy bıliginiń basshysy Abdýlla Abdýlla óziniń quttyqtaý hatynda Memleket basshysyna jyly lebizin bildire otyryp, Aýǵanstan Úkimeti ózara yntymaqtastyqty qoldaıtynyn jáne ony barlyq salada nyǵaıtýǵa atsalysatynyn aıtqan.
Aýǵanstan Islam Respýblıkasynyń joǵarǵy palatasynyń spıkeri Fazel Hadı Mýslımıar óziniń jedelhatynda Memleket basshysynyń jaýapty qyzmetine tabys tilep, Qazaqstan men Aýǵanstan arasyndaǵy qatynastardyń odan ári nyǵaıa túsetinine senim bildirdi.
Memleket basshysynyń atyna óziniń quttyqtaý hatyn Eýrazııalyq ekonomıkalyq komıssııa alqasynyń tóraǵasy Tıgran Sarkısıan da joldady.
«Sizdiń memleket pen halyqqa qyzmet etý isindegi joǵary biliktiligińiz, mol tájirıbeńiz, halyqaralyq arenadaǵy bedelińiz, Qazaqstannyń Tuńǵysh Prezıdenti – Elbasy Nursultan Nazarbaevtyń bildirgen senimi Sizge Qazaqstannyń ekonomıkasy men memlekettiligin odan ári damytyp, nyǵaıtý mindetin júzege asyrýǵa múmkindik beredi. Sizdiń joǵary laýazymdaǵy qyzmetińiz Eýrazııalyq ekonomıkalyq odaqtaǵy ıntegrasııalyq úderisterdiń odan ári jan-jaqty damýyna septigin tıgizedi, – delingen jedelhatta.
Ekonomıkalyq yntymaqtastyq jáne damý uıymynyń bas hatshysy Anhel Gýrrıa óziniń quttyqtaý hatynda Qazaqstan úshin damýdyń mańyzdy kezeńindegi Prezıdent laýazymynda Qasym-Jomart Toqaevtyń tabysqa jetýine tilektestik bildirgen.
«О́tken on jylda Sizdiń elińiz tań qalarlyq jetistikterge qol jetkizdi. Ekonomıkalyq yntymaqtastyq jáne damý uıymy ekonomıkalyq reformalardy odan ári júzege asyryp, áleýmettik damýǵa qol jetkizýdi júzege asyrý isinde Qazaqstanǵa qoldaý kórsetetinin nyq senimmen aıtqym keledi», – dedi A.Gýrrıa.
