«QazMunaıGaz» jalpy qarjylandyrý kólemi 17,3 mlrd teńgeni quraıtyn ǵylymı-zertteý jobalaryn júzege asyryp jatyr. Keshen 80 tehnologııalyq mindetti qamtıdy. Jumys kómirsýtek qorlaryn izdeý jáne baǵalaý tıimdiligin arttyrýǵa baǵyttalǵan.
Munaı baǵasy barreline 115 dollarǵa jetti: Rekordtyq ósim tirkeldi
Oryndalǵan zertteý jumystarynyń nátıjesinde 22 geologııalyq barlaý jobasyn qamtyǵan portfel qalyptastyryldy, onyń jıyntyq geologııalyq resýrstyq bazasy 4,7 mlrd tonnaǵa jýyq shartty otyndy quraıdy. 2026-2029 jyldarǵa arnalǵan baǵdarlama aıasynda kompanııa 25 izdeý uńǵymasyn burǵylaýdy josparlap otyr.
«QazMunaıGaz» bes negizgi munaı-gaz basseınniń basseındik modeldeýin jasady. Bul jumys kómirsýtekterdiń shoǵyrlaný jaǵdaılary men qozǵalý joldaryn anyqtaýǵa baǵyttalǵan. Osylaısha perspektıvaly ýchaskelerdi boljaý dáldigi artady.
«Qazaqstanda buryn qoldanylmaǵan ınnovasııalyq tehnologııalar seısmıkalyq barlaý salasyna da belsendi engizilip jatyr. Atap aıtqanda, dalalyq seısmıkalyq barlaý jumystaryn 20%-ǵa deıin jedeldetý úshin symsyz qabyldaǵyshtar, sondaı-aq jumystardy qatynaýǵa qıyn aımaqtar men az zerttelgen ýchaskelerde júrgizý úshin elektr-magnıttik ımpýlstik kózder paıdalanylady. Burǵylaý salasyndaǵy jańa tehnologııalar alǵash ret 5 500 metrden astam tereńdikte uńǵymalar burǵylaýǵa múmkindik berdi», dep atap ótti Ashat Hasenov.
Sonymen qatar zertteýlerdi jedeldetý úshin sıfrlyq kern tehnologııalaryn, derekterdi óńdeý men ınterpretasııalaý merzimin qysqartý úshin jasandy ıntellektini, sondaı-aq LLM úlgilerin ázirleýdi qamtıtyn jasandy ıntellekt elementterin engizý jumystary júrgizilip jatyr.
