Italııa ekonomıkalyq damý mınıstriniń orynbasary Andrea Chıoffımen ótken kelissózder sheńberinde taraptar saýda-ekonomıkalyq jáne ınvestısııalyq salalardaǵy ekijaqty yntymaqtastyqtyń keń aýqymdy máselelerin talqylady. Kezdesý barysynda R. Vasılenko dıplomatııalyq qatynastar ornatylǵan sátten bastap 27 jyl ishinde Qazaqstan men Italııa ekijaqty yntymaqtastyqty damytýda áserli tabystarǵa qol jetkizgenin atap ótti. Italııa elimizdiń ekinshi saýda seriktesi, nátıjesinde taýar aınalymy 13 mlrd AQSh dollaryn, 2006 jyldan beri tikeleı ıtalıandyq ınvestısııalardyń kólemi 6 mlrd AQSh quraıdy. Kezdesý barysynda Qazaqstannyń kóliktik-logıstıkalyq áleýetine jáne Jibek jolynyń jańa tujyrymdamasyn iske asyrýdaǵy elimizdiń negizgi róline erekshe nazar aýdaryldy. Taraptar iske kirisken birikken qazaqstan-ıtalıandyq kásiporyndardy qoldaý (qazirgi ýaqytta QR-da Italııanyń qatysýymen 164 birikken kásiporyn jumys isteıdi), sondaı-aq sıfrlyq tehnologııalar, ınfrastrýktýralyq damý jáne agrokásiptik keshen salasyndaǵy jańa birlesken jobalardy ázirleý arqyly yntymqastyqty nyǵaıtýǵa umtylysyn atap ótti.
Italııa Syrtqy ister jáne halyqaralyq yntymaqtastyq mınıstrliginiń Reseı Federasııasy, Shyǵys Eýropa, Kavkaz jáne Ortalyq Azııamen yntymaqtastyq departamentiniń dırektory F. Dı Mıkelemen áńgimelesý barysynda dıplomattar aǵymdaǵy jyly yntymaqtastyqty nyǵaıtý josparlaryn, onyń ishinde kele jatqan ekonomıkalyq yntymaqtastyq boıynsha úkimetaralyq jumys tobynyń 9-shy otyrysyn jáne joǵary deńgeıdegi saparlarmen almasýdy talqylady. Italııalyq áriptes Qazaqstannyń syrtqy saıası vedomstvosynyń ekonomıkalyq úderisiniń kúsheıtý jumystarynyń bastalǵany jóninde habardar boldy. Taraptar ekijaqty saýda-ekonomıkalyq jáne ınvestısııalyq yntymaqtastyq máselelerin talqylady.
Syrtqy saıası vedomstvo basshysynyń orynbasary R. Vasılenko saparynyń ekinshi kúni Italııa Parlamenti Depýtattar palatasynyń vıse-prezıdenti Ettore Rozatomen jáne Depýtattar palatasynyń kvestory (jaýapty hatshy), Qazaqstan-Italııa dostyq tobynyń tóraǵasy Edmondo Chırellımen kezdesti. Ekijaqty jáne kópjaqty sıpattaǵy ózekti máseleler boıynsha tyńǵylyqty pikirler almasyldy. Atap aıtqanda, taraptar parlamentaralyq baılanystardy, sonyń ishinde yntymaqtastyq toptarynyń belsendi ózara is-qımyly jáne zańnamalyq qyzmettegi tájirıbe almasýy arqyly damytýdyń mańyzdylyǵyn atap ótti. Osy turǵyda, Mınıstrdiń orynbasary ıtalıan zań shyǵarýshy organ basshylarynyń a.j. 23-24 qyrkúıekte Nur-Sultan qalasynda «Úlken Eýrazııa: Dıalog. Senim. Áriptestik» taqyrybynda ótetin Eýrazııa elderi Parlamentteri Spıkerleriniń 4-shi keńesine qatysýlaryna úmitin bildirdi.
О́z kezeginde, ıtalııalyq zań shyǵarýshylar Qazaqstan men Italııa arasyndaǵy ekijaqty qarym-qatynastardyń damýyna joǵary baǵa bere otyryp, parlamentaralyq qatynastardyń áriptestikti damytýdaǵy mańyzdy qural bolyp sanalatynyn atap ótti. Sonymen birge, olar ıtalııa tarapynyń jaqyn arada Qazaqstan men Eýroodaq jáne múshe-memleketter arasyndaǵy keńeıtilgen áriptestik jáne yntymaqtastyq týraly Kelisimdi ratıfıkasııalaý nıetin bildirdi. Kezdesýdiń qorytyndysy boıynsha belsendi parlamentaralyq baılanystardy jalǵastyrý týraly ýaǵdalastyqqa qol jetkizildi.
О́z saparyn aıaqtaı kele, R.Vasılenko Halyqaralyq uıymdardaǵy ıtalıandyq qoǵamynda (SIOI) «Ortalyq Azııa jáne aımaqtyq turaqtylyq: Qazaqstannyń strategııalyq róli» taqyrybymen bolashaq dıplomattar aldynda leksııa oqydy. Mınıstrdiń Orynbasary ıtalıandyq stýdentterdi Nur-Sultannyń Ortalyq Azııa memleketterimen yntymaqtastyqty nyǵaıtýdaǵy dáıekti baǵytymen tanystyrdy, sonymen qatar elimizdiń saıası ómirindegi jańa ózgerister aıasynda osy kýrstyń jalǵasyp kele jatqanyn atap ótti.
Is-sapardyń qorytyndysy boıynsha qazaqstandyq dıplomat birqatar ıtalıandyq BAQ ókilderine suhbat berdi, onyń barysynda ekijaqty Qazaqstan-Italııa yntymaqtastyǵynyń ózekti máselelerine jaýap berip, halyqaralyq kún tártibindegi kóptegen máseleler boıynsha Qazaqstannyń ustanymyn atap ótti. Shırek ǵasyr ishinde elderimiz arasyndaǵy jemisti saıası dıalog ornatylǵany, nyq sharttyq-quqyqtyq baza qurylǵany, saýda-ekonomıkalyq jáne mádenı-gýmanıtarlyq salalardaǵy yntymaqtastyq damyǵandyǵy atap ótildi.
