QR Tuńǵysh Prezıdenti – Elbasy Nursultan Nazarbaevtyń tapsyrmalarynyń sapaly oryndalýyn qamtamasyz etý maqsatynda Eńbek jáne halyqty áleýmettik qorǵaý mınıstrliginiń jáne Eńbek, áleýmettik qorǵaý jáne kóshi-qon komıtetiniń ortalyq apparatynyń qyzmetkerleri AÁK belgileý jáne tóleý boıynsha keńes berý úshin óńirlerge bardy.
31 naýryz ben 2 sáýir aralyǵynda konsýltatıvtik toptar barlyq oblystarda, Nur-Sultan, Almaty jáne Shymkent qalalarynda jumys isteıdi.
Sonymen qatar, «111 shuǵyl qyzmet» biryńǵaı baılanys ortalyǵynyń negizinde ataýly áleýmettik kómekti alýshylar úshin «jedel jeli» ashyldy. «111» nómiri arqyly anyqtamalyq aqparatty, mamandardyń keńesin jáne AÁK belgileýge, qandaı da bir jeńildikter men járdemaqylar túrlerin berýge baılanysty suraqtarǵa jaýaptardy tegin alýǵa bolady.
