Osyǵan baılanysty zańnamalyq bazany, aqparattyq júıelerdi daıyndaý, ýákiletti organdardyń derekter bazasyn ózektendirý, óńirlerde pılotty ótkizý boıynsha jumystar júrgizilýde.
Qaraǵandy oblysynyń Osakarovka aýdanyndaǵy pılottyq jobanyń nátıjeleri problemalyq máselelerdi anyqtady, olardy sheshýge qosymsha ýaqyt qajet etiledi.
Qazaqstan Respýblıkasynyń Qarjy mınıstrligi Jalpyǵa birdeı deklarasııa tapsyrýdy kezeń-kezeńimen engizý boıynsha Qazaqstan Respýblıkasynyń Úkimetine usynys engizdi.
Birinshi kezeńde, 2021 jylǵy 1 qańtardan bastap memlekettik qyzmetkerler men olardyń jubaılary, sondaı-aq olarǵa teńestirilgen tulǵalar jáne olardyń jubaılary deklarasııa tapsyrýdy bastaý usynylady.
Ekinshi kezeńde 2023 jylǵy 1 qańtardan bastap memlekettik kásiporyndardyń qyzmetkerleri (onyń ishinde bilim berý, densaýlyq saqtaý, mádenıet, sport jáne t.b. salalardy qosa alǵanda) jáne olardyń jubaılary.
Úshinshi kezeńde 2024 jylǵy 1 qańtardan bastap - zańdy tulǵalardyń basshylary men quryltaıshylary jáne olardyń jubaılary, dara kásipkerler jáne olardyń jubaılary.
Tórtinshi kezeńde 2025 jylǵy 1 qańtardan bastap - halyqtyń qalǵan sanattary.
Bul rette atap ótken jón, onda ár kezeńniń qorytyndysy taldanatyn, problemalyq máseleler anyqtalatyn bolady jáne zańnamany, ádistemeni jáne aqparattyq júıelerdi jetildirý boıynsha sharalar qabyldanady.
Qazirgi ýaqytta jalpyǵa birdeı deklarasııalaýdy kezeń-kezeńimen engizý boıynsha Qazaqstan Respýblıkasynyń zańnamasyna túzetýler daıyndalýda. Olar Qazaqstan Respýblıkasynyń Parlamentine belgilengen tártipte usynylady.
