«Saparymnyń birinshi sebebi – halqymyz úshin asa qasterli sanalatyn mekenge táý etý jáne ata-baba arýaǵyna, amanatyna degen qurmet bolsa, ekinshi sebebi – Uly dala elindegi keshegi, búgingi memleketshildik dástúrge, evolıýsııalyq damý sabaqtastyǵyna degen adaldyqta jatyr. Mundaı sakraldy uǵym-túsinik pen dástúrge adaldyq tek órkenıetti, ósip-jetilgen ulttyń ǵana qolynan keledi dep oılaımyn», dedi Memleket basshysy.
Q.Toqaev buǵan mysal retinde Elbasymyzdyń Túrkistan oblysyn qurǵanyn erekshe atap kórsetti. О́ńirge kıeli mekenniń atyn bere otyryp, Tuńǵysh Prezıdent tarıhı ádilettilikti qalpyna keltirgenin, memlekettiń irgesin myǵymdap, jalpyulttyq sáıkestik pen bereke-birlikti nyǵaıtqanyn jetkizdi.
«Endigi jerde memleket Jibek joly boıynda jatqan Túrkistan qalasyn, óńirin jańartyp-jańǵyrtýdy ýaqyt ozdyrmaı qolǵa alýy kerek. О́ńirdegi ınfraqurylymdy damytý, týrıstik salany jandandyrý, óndiristi órkendetý – osynyń bári halqymyzdyń ál-aýqatynyń barynsha jaqsarýyna negiz bolady», dedi Memleket basshysy.
