foto: Pixabay.com
Qazirgi ýaqytta eki adam Kókshetaýdaǵy oblystyq kópsalaly aýrýhananyń jansaqtaý bóliminde jatyr. Olardyń jaǵdaıy aýyr dep baǵalandy. Naýqastar qajetti medısınalyq kómekti alyp, dárigerlerdiń táýlik boıǵy baqylaýynda. Taǵy bir zardap shekken naýqas aýrýhanadan shyǵaryldy, al bir áıel travmatologııa bóliminde, kúıik shalý boıynsha mamandardyń baqylaýynda emdelip jatyr.
Oblystyq densaýlyq saqtaý basqarmasy habarlaǵandaı, «Avısenna-Býrabaı» stasıonarynda naýqastar joq – barlyǵy Kókshetaýdaǵy kópsalaly oblystyq aýrýhanaǵa jetkizildi.
Shýchınsktegi órt: Aýrýhanada aýyr halde jatqan taǵy 2 adam qaıtys boldy
Eske salaıyq, 27 aqpan kúni bes qabatty turǵyn úıge japsarlas salynǵan bir qabatty dámhanada gaz-aýa qospasynyń jarylysy bolyp, artynsha órt shyqqan edi. Sol kúni oqıǵa saldarynan shamamen 20 adam zardap shegip, jeti adam qaza tapqany habarlanǵan.
Keıinnen zardap shekkenderdiń sany 28 adamǵa jetkeni málimdelip, jarylysqa qatysty qylmystyq is qozǵaldy.
Sondaı-aq Býrabaı aýdanynyń ákimdigi jarylystan qaza tapqandardyń otbasyna 2 mln teńge beriletinin jetkizdi.
