Foto: Almaty ákimdigi
Qazirgi kezeńde zaýyttyń qurylys jumystaryna daıyndyq aıaqtaldy. Ekologııa jáne tabıǵı resýrstar mınıstrligimen ınvestısııalyq kelisim jasalyp, qaldyq jetkizý jáne óndiriletin elektr qýatyn energojúıege berý boıynsha negizgi kelisimder bekitildi. Joba halyqaralyq ekologııalyq standarttarǵa sáıkes keletin zamanaýı avtomattandyrylǵan gaz tazartý júıelerimen jabdyqtaýdy kózdeıdi. Qurylys kezeńinde shamamen 700 jumys orny ashylady, al nysan paıdalanýǵa berilgennen keıin 120-ǵa jýyq turaqty jumys orny qurylmaq.
Atalǵan jobany júzege asyrý polıgondarǵa túsetin júktemeni azaıtyp, qaldyq kólemin qysqartýǵa jáne olardy qaıta óńdeý arqyly qosymsha elektr qýatyn óndirýge múmkindik beredi.
Eske sala keteıik, 2025 jyly 29 tamyzda Qazaqstan Respýblıkasy Ekologııa jáne tabıǵı resýrstar mınıstrligi men Junxin Environmental Protection kompanııasy arasynda Almaty qalasynda elektr qýatyn óndiretin qoqys óńdeý zaýytyn salý jónindegi ınvestısııalyq kelisimge qol qoıylǵan bolatyn. Atalǵan kompanııa «jasyl» energetıka jáne qaldyq óńdeý salasyndaǵy iri operatorlardyń biri sanalady, 455 patentke ıe jáne osy baǵyttaǵy jobalardy júzege asyrýda mol tájirıbesi bar.
